A sierra de Sant Chuan d'a Penya Toponimos oficials de Chacetania en www.lenguasdearagon.org (en castellano Sierra de San Juan de la Peña) ye una sierra d'a depresión meya intrapirenenca situada entre os municipios de Chaca, Santa Cruz d'as Serors, Bailo y As Penyas de Riglos.
Zarra por o sud parcialment a Canal de Berdún y ye formada por materials de l'Oligoceno, mas que mas archilas y piedra panal en as suyas bases y conglomeraus en a suya parti mas alta. Istos materials son deformaus tectonicament en un sinclinal, que s'estendilla d'ueste enta este. O suyo cobalto ye o vértiz cheodesico de Sant Chuan d'a Penya situau a 1.547 m d'altaria, en o municipio de Bailo.
En as laderas d'a sierra bi ha bel barranco afluent d'o río Aragón por a suya parti norte y d'o río Galligo por o sud. Baixo un d'os murallons formaus por conglomeraus s'acubila o monesterio de Sant Chuan d'a Penya que le da nombre.
En as partis mas baixas y secas d'a sierra se troban carrascas, mientres que en as zonas de mas altaria bi ha pins y abez. Os fabos tamién i son presents.
Se veiga tamién Paisache Protechito de Sant Chuan d'a Penya y Mont Uruel.
Referencias
Vinclos externos Fuella d'o vértiz cheodesico En GEA
Categoría:Sierras d'a provincia de Uesca Sant Chuan d'a Penya Categoría:Vertices cheodesicos d'Aragón Categoría:Sierras d'a Chacetania Categoría:Sierras d'a Plana de Uesca