thumb|300px|Roca dels Moros
A Roca dels Moros Toponimos oficials de Matarranya en www.lenguasdearagon.org (en aragonés Roca d'os Moros) ye un chacimiento perteneixient a l'arte rupestre de l'arco mediterranio d'a peninsula Iberica situau chunto a o barranco d'el Calapatà, en Cretas, en a comarca de Matarranya.
Se tracta d'una paret rocosa, protechida por una espluga, a on s'heban pintau diferents motivos. Os mas notables son tres cervidos pintaus con un tractamiento delicau y mesmo naturalista y con diferents actituz: dos d'éls marchan, uno enta la dreita y un atro enta a ezquierda, y un tercero ye chitau. A másbi ha tres figuras antropomorfas, entre as que s'identifican dos arquers. A conservación parcial d'as pinturas no permite confirmar si se tracta d'una escena de cazata u si os elementos no son relacionaus. D'atra man, a diversidat de formas fa pensar que as diferents figuras podían haber estau feitas en momentos muit deseparaus.
A Roca dels Moros tien una importancia singular en o estudio de l'arte rupestre de l'arco mediterranio porque estió o primer chacimiento que se'n escubrió, cuan en 1903 lo trobó l'arqueologo de Calaceit Juan Cabré Aguiló. En os anyos siguients él mesmo estudio o chacimiento con Henri Breuil, que antimás escubrió o vecín chacimiento d'Els Gascons. Una vegada estudiadas, as prencipals figuras (os tres grans cervidos y un chicot bovido) se rancaron y levoron enta o Museu d'Arqueolochía de Catalunya de Barcelona a on se troban en l'actualidat.
Referencias
Bibliografía Actuaciones arqueológicas en los abrigos de Roca dels Moros y Els Gascons (Cretas), Teruel) y de La Fenellosa (Beceite, Teruel). Bea, M. et al. SALDVIE. Pach. 393-418, 2009
Categoría:Arte rupestre en Aragón Categoría:Chacimientos prehistoricos d'Aragón Categoría:Biens individuals de l'arte rupestre de l'arco mediterranio d'a peninsula iberica inscritos Patrimonio d'a Humanidat en Aragón Categoría:Cretas