Iste articlo ye sobre a luenga gala celta, pa informar-se sobre l'idioma romanico no francés que se charra en l'este d'a peninsula de Bretanya, se veiga galó.
O galo ye una luenga celta huei amortata que se charraba en a Galia antis d'a plegata d'os romanos. Feba parti d'as luengas celticas continentals chunto a lo celtibero, o lepontico y o galata.
Seguntes bel investigador, o dialecto veneto d'o suruest de Bretanya ye en realidat a continación d'o galo que se charraba encara en o sieglo V, un poco contaminato por elementos bretons traitos por os refuchiatos de l'ueste d'a Isla de Bretanya.
A romanización de Galia estió un proceso lento y bi habió un periodo de coexistencia entre a luenga celtica gala que retaculaba y un latín galico plen de celtismos, que por a centralidat y importancia d'este territorio podeban convertir-se en chenerals en o territorio romano.
Son parolas galas que se cheneralizoron en latín ALAUDA, AREPENNIS, CAMISIA, CAPANNA, CEREVISIA, CARPENTUM, CARPENTARIUS, CARRUS, SALMO y LEUKA, Rafael Lapesa: Historia de la lengua española, Editorial Gredos, 2001. p 50-51. que se pueden trobar en luengas romances bien luent de l'antiga Galia. De feito, en aragonés en perdura beluna: aloda, camisa, cabanya/capana, cerveza, carro y salmón. En francés a primera lista ha perdurau como alouette, arpent, chemise, charpente, charpentier, char, saumon y lieue. A parola cabane present en francés ye en realidat un occitanismo.
Referencias
Bibliografía Jean Markale: Los celtas y la civilización celta. Taurus humanidades, 1992. Rafael Lapesa: Historia de las lengua española. Editorial Gredos. (1981). Jean-Louis Tritter: Histoire de la langue Française. Editor: Paris, Ellipses - 1999.
Se veiga tamién Celtismos en francés. Celtismos en aragonés.
Galo Galo