No entivocar-se con o castiello de Monesma de Sant Chuan, situau en o municipio d'Ilche.
O castiello de Monesma ye un castiello situau chunto a la localidat de Puyol (Monesma y Caixigar), Ribagorza, provincia de Uesca.
Arquitectura As restas d'o castiello se troban situadas en un cerro sobre o lugar de Puyol. Yera de planta ovalada con una largaria de 150 metros y una amplaria de 50 metros. Actualment nomás i quedan bels muros de mampostería que perteneixeban a o recinto defensivo con una largaria de 24 metros por 10,50 d'amplaria y un torretón de planta irregular en un extremo. A l'atro canto ye a capiella, que dimpués se transformó en ermita y fue esviellada en 1854.
Historia Iste perteneixe a una serie de castiellos, chunto a os de Llascuarre, Llaguarres y Castigaleu, construyius por o conte Sancho o Mayor entre os anyos 1030 y 1035 pa esfender a parti sud d'o condau de Ribagorza.
Apareixe por primera vegada nombrau en l'anyo, cuan Sancho III fació fortificar iste punto, estando cediu dimpués a os contes de Pallars dica que o caballero Remón Sunyer de Monesma se declaró sinyor d'o castiello. En l'anyo 1085 le son confiscaus os suyos biens por estar acusau de traición por o bispe de Roda.
En primerías d'o sieglo XII o castiello pasará a estar propiedat d'os sinyors d'Erill pa pasar en o sieglo XIII a mans d'o rei, estando Chaime I d'Aragón qui lo integra en o condau de Ribagorza en l'anyo 1322.
A meyaus d'o sieglo XVI o castiello encara yera en piet, estando encargau d'él o linache d'os Mur.
Cheodesia Bi ha un vértiz cheodesico situau chunto a o castiello con una altaria de 1.236 metros dende o livel d'a mar Fuella d'o vértiz cheodesico.
Referencias
Vinclos externos En a web d'o SIPCA
Categoría:Biens d'Intrés Cultural de Ribagorza Monesma Monesma Monesma Categoría:Molimentos de Puyol Categoría:Vertices cheodesicos d'Aragón