Interlingue u occidental (clamau asinas entre 1922-1947) ye una luenga artificial creyada por Edgar de Wahl, un d'os primers esperantistas.
Von Wahl naixió en Tallin, hue Estonia y alavez provincia de l'Imperio ruso, en o sino d'una familia de luenga alemana. Os suyos consellos estioron seguius por Zamenhof. Oficial d'a marina de guerra, optó por o bando zarista en a Revolución de 1917. Dimpués d'o trunfo d'os sovieticos, s'exilió en Francia, cambiando o suyo apelliu por De Wahl. Descontento con o esperanto, decidió creyar o suyo propio prochecto, a o que clamaría "occidental". Publica en 1922 o suyo prochecto de luenga. Formula a regla de Wahl. Aconsiguió reunir un chicot grupo de seguidors, que continaría editando a revista Cosmoglotta dica os anyos 1950.
En 1947 decidioron cambiar o nombre por o de interlingue (no interlingua, nombre usau por Peano pa o suyo "Latino sine flexione", y tamién por l'Alexander Gode en prochecto de IALA de 1953). Manimenos, l'asociación no tornó a dar sinyals de vida dica o decenio d'os anyos 1990, a traviés d'Internet.
Vinclos externos Diccionario aragonés-interlingue
*