Rügen (en latín Rugia) ye a isla mas gran d'Alemanya por aria. Se troba frent a la costa de Pomerania Occidental en a Mar Baltica y perteneixe a o estato de Mecklemburgo-Pomerania Occidental.
A "puerta de dentrada" a la isla de Rügen ye a ciudat de Stralsund, an ye unida a o continent por carretera y ferrocarril a traviés d'un puent que cruceya l'estreito Strelasund de dos kilometros d'amplaria sobre a Mar Baltica.
Rügen tien una longaria maxima de 51,4 km (de norte a sud), una amplaria maxima de 42,8 km en o sud y un aria de 926 km2. En chunyo de 2011, a UNESCO atorgó o Patrimonio d'a Humanidat a o Parque Nacional Jasmund, famoso por as suyas vastas extensions de faus y cinglos calcarios.
Rügen ye muit popular como destín turistico a causa d'a suya diversidat de paisaches y as suyas luengas plachas d'arena.
Clima O clima ye templau. Os hibiernos no son especialment fredos, con temperaturas meyas en chinero y febrero de 0 °C y os estius son frescos, con temperaturas en agosto de 16,3 °C. Tien una pluviosidat meya de 520 a 560 mm y aproximadament 1.800 a 1.870 horas de sol anyals.
Puestos d'intrés Parque Nacional Jasmund. Cabo Arkona. Castiello Granitz(Jagdschloss Granitz). Prora.
Personalidaz naixitas de Rügen Ernst Moritz Arndt (1769–1860), escritor. Wilhelm Malte I (1783–1854), prenzipe de Putbus. Theodor Billroth (1829–1894), ziruxano. Berthold Delbrück (1842–1922), lingüista. Hans Delbrück (1848–1929), politico. Franziska Tiburtius (1843–1927), medico. Hans Langsdorff (1894–1939), capitán de l'acorazato Admiral Graf Spee Meinhard Nehmer (1941), esportista olimpico.
Se veiga tamién Buyan.
Vinclos externos
Categoría:Islas d'Alemanya Categoría:Mecklemburgo-Pomerania Occidental