Zoom Video Communications ye una empresa estausunidense de comunicacions con seu en San José, California. Ye conoixida por o suyo software de videoconferencias y reunions virtuals clamau Zoom. L'aplicación Zoom ye accesible dende ordinadors d'escritorio, ordinadors portatils, telefonos intelichents y tabletas.
Zoom se popularizó entre o mes d'abril de 2020, entre a pandemia de COVID-19. Pasó de tener 10 millons d'usuarios activos en 2019, a mas de 300 millons en zaguerías d'abril. "Zoom participant numbers top 300 million despite growing ban list, shares hit record (April 23)" en Reuters.com Antes d'a expansión d'o coronavirus, as accions d'a companyía teneban una valor de 70 dolars; o 23 de marzo de 2020 valeban 160 dolars, ye decir, una capitalización total superior a os 44.000 millons de dolars. O prencipal accionista de Zoom, Eric Yuan, a partir d'a pandemia, amaneixe en a lista d'as personas mas ricas d'o mundo, con una fortuna avaluada en bels 5.500 millons de dolars. "La pandemia y el sistema-mundo" en La Jornada(Mexico)
Atamas de l'exito mundial, l'uso de Zoom ha estau prohibiu por muitos gubiernos y empresas por os risgos de privacidat y seguranza. Igualment, dende finals d'abril de 2020 os usuarios con una conduta comercial de Zoom, por eixemplo, tienen a opción que as suyas gritadas no pasen por China. En zaguerías de mayo de 2020, Zoom anunció que as gritadas de qui paguen por una conduta comercial serán encriptadas (con a finalidat de fer-los inintelichibles a receptors no autorizaus). As gritadas de qui no paga no son protechidas.
Referencias
Categoría:Internet Categoría:Empresas d'Estaus Unius