Bitcoin (₿) ye una criptomoneda inventada en 2008 por una persona desconoixida u un grupo de personas que usa o nombre chaponés Satoshi Nakamoto. "Who is Satoshi Nakamoto?" en The Economist Ye a moneda alternativa mas emplegada con un mercato total (en Chunyo de 2020) de 175.000 millons de dólars estausunidenses.
Bitcoin ye subdividida en 100 millons d'unidaz mas chicotas clamadas Satoshi. Unatra unidat alternativa ye o clamau milibitcoin (mBTC). Un milibitcoin ye equivalent a 0,001 bitcoins u 100.000 satoshis. "Bitcoin your way to a double espresso" en CNN Business
O bitcoin ye una moneda dichital descentralizada sin un banco central u administrador solo que se puede ninviar d'un usuario a unatro en o ret emplegando o clamau bitcoin peer-to-peer sin a necesidat d'intermediarios. Os nodos d'o ret verifican as transaccions por meyo de criptografía y se rechistran en un libro mayor publico distribuiu clamau blockchain. Os bitcoins se creyan como que recompensa por un proceso conoixiu como que menería. Pueden escambiar-se por atras monedas, productos y servicios. "What is bitcoin?" en CNN Money A investigación realizada por a Universidat de Cambridge estima que en 2017, i heba entre 2,9 y 5,8 millons d'usuarios solos que emplegaban criptomonedas, a mayoría d'éls fendo servir bitcoin.
Bitcoin ha estau aponderau y criticau. Os criticos sinyaloron o suyo emplego en transaccions ilegals, a gran cantidat d'electricidat utilizada por os miners, a variabilidat d'os pres y os furtos en as bolsas. Cualques economistas, incluius cuantos premios Nobel, la han cualificau de bambolla especulativa. Bitcoin tamién s'ha emplegau como inversión, encara que cuantas achencias reguladoras han apreveniu a os inversors sobre bitcoin.
Se veiga tamién Menería de bitcoin. Blockchain. Criptomoneda.
Referencias
Vinclos externos
Categoría:Criptomonedas