350px|thumb|Pinturas rupestres
La Fenellassa Toponimos oficials de Matarranya en www.lenguasdearagon.org (en castellano La Fenellosa) ye un abrigo rocoso de pinturas rupestres d'o estilo esquematico. Se troba en o termín municipal de Beceit, en a provincia de Teruel. Fa parti d'o conchunto de l'Arte rupestre de l'arco mediterranio d'a peninsula Iberica declarau Patrimonio d'a Humanidat por a UNESCO en l'anyo 1998. UNESCO Culture Sector. Arte rupestre de l'arco mediterranio d'a peninsula Iberica
Ubicación O puesto ye situau a meyo camín entre a fin d'a rota asfaltada de Beceit a El Parrissal y as palangas d'o río Matarranya. As pinturas de La Fenellassa se troban en una paret rocosa amán d'a fuent de la Fenellassa que les da nombre y a on o río Matarranya s'ubre paso formando un estreito. Wikiloc: Ruta del Parrizal de Beceite.
Historia A pinturas rupestres de La Fenellassa fuoron descubiertas por Carles Forcadell en 1966 y estudiadas por Antonio Beltrán. Antonio Beltrán, Pinturas esquematicas de la Fenellosa, en Beceite (Teruel), Zaragoza, 1967. En l'actualidat s'han conservau 8 feguras tractando-se de 4 chinetes que cabalgan dreitos sobre 4 cuadrupedos, d'os cuals se marcan as orellas.
Descripción thumb|350px|Calco d'as pinturas rupestres de la Fenellassa As pinturas rupestres de la Fenellassa perteneixen a l'arte esquematico, estilo pictorico que se caracteriza por l'abstracción y simplificación d'as representacions d'animals y sers humans, que quedan reducius a trazos verticals y linias horizontals. Iste estilo plega dende o Neolitico dica a Edat d'os Metals y ye a manifestación propia de sociedaz sedentarias que ya conoixen l'agricultura y a domesticación d'os animals, como s'amuestra en istas pinturas a on apareixen 4 cuadrupedos, que se podrían corresponder a equidos u asinidos. Amás bi ha 4 chinetes que cabalgan dreitos sobre 4 cuadrupedos. Todas as feguras, pintadas en royo, son mirando a o río Matarranya mantenindo una linia horizontal.
Referencias
Vinclos externos La Fenellosa como patrimonio cultural d'Aragón.
Bibliografía Antonio Beltrán; Arte rupestre prehistórico en Aragón; 1990. Bea, M.; Domingo, R.; Uribe, P.; Reklaityte, I.; Fatás, L.; Actuaciones arqueológicas en los abrigos de Roca dels Moros y Els Gascons (Cretas), Teruel) y de La Fenellosa (Beceite, Teruel); Saldvie Estudios de prehistoria y arqueología, n.º 9 2009, pp. 393–418.
Categoría:Arte rupestre en Aragón Categoría:Chacimientos prehistoricos d'Aragón Categoría:Biens individuals de l'arte rupestre de l'arco mediterranio d'a peninsula iberica inscritos Patrimonio d'a Humanidat en Aragón Categoría:Beceit