O conflicto d'Artsakh de 2020 ye un conflicto armato en curso entre as fuerzas armadas d'Armenia y Azerbaichán en l'Alto Karabakh, a zaguera escalada en o conflicto no resuelto d'Artsakh.
Antecedents Os enfrontinamientos se derivan d'a disputa sobre Artsakh, de mayoría armenia, un territorio d'Azerbaichán reconoixiu internacionalment, que actualment ye en mans de l'autoproclamada Republica d'Artsakh.
Reaccions Istas son as siguients reaccions dimpués d'o conflicto (dende as locals dica as d'as organizacions internacionals)
Locals Armenia O 29 de setiembre, Armenia posposó lo chudicio d'o ex-president Robert Kotxarian y atros ex-funcionarios acusatos en o caso de disturbios postelectorals de 2008. A razón dezaga d'isto estió que un d'os acusatos, o ex-ministro de Defensa d'Armenia Seyran Ohanyan, se dirichió ta Artsakh enmeyo de l'ataque azerín.
Azerbaichán O 27 de setiembre, as autoridaz azerinas restrinchioron l'acceso a Internet en tot o país poco dimpués que s'encetasen os enfrontinamientos, anunció o Ministerio de Transporte, Connexions y Tecnolochías d'Alta Tecnolochía de l'Azerbaichán. Seguntes una declaración d'o Ministerio, se prenió esta mesura "ta evitar provocacions a gran escala por parti d'Armenia".
O 28 de setiembre, o president d'a Republica de l'Azerbaichán, Ilham Aliyev, emitió un decreto sobre a mobilización parcial en Azerbaichán y o Servicio Estatal de Mobilización y Conscripción d'a Republica d'Azerbaichán pa guarenciar o reclutamiento d'oficials militars y l'aplicación d'as mesuras que surtan d'as fayenas de transporte militar de alcuerdo con os plans aprebatos, y o Gabinet de Ministros d'a Republica de l'Azerbaichán ta resolver los problemas que surtan d'esta orden.
Internacionals Organizacions internacionals Unión Europea: ONU: OSCE: Consello:
UN member states Os gubiernos d'o parcialment estato no reconoixito de Chipre d'o Norte, Pakistán y Turquía refirman a os azerins culpant a Armenia por violar l'alto o fuego. O miembro bosnio d'a Presidencia de Bosnia y Herzegovina Šefik Džaferović y o líder d'o suyo partiu politico lo Partiu d'Acción Democratica Bakir Izetbegović expresoron o suyo refirme a Azerbaichán, condenando a Armenia y comparando ista situación con a d'a Guerra de Bosnia entre os anyos 1992 y 1995.
Chipre condenó a "violación de l'alto o fuego por parti d'Azerbaichán" y cualsiquier acción creixient "d'as parts involucradas, u cualsequier intervención de tercers", demandando que se reprengan as negociacions pacificas.
Representants de cuantos países, incluyitos Albania, Alemanya, Arabia Saudita, Archentina, Canadá, Cheorchia, China, a Ciudat d'o Vaticano, os Estaus Unius, Francia, Grecia, Irán, Polonia, o Reino Uniu, a Republica de Moldavia, Rumanía, Rusia y Turquía demandoron una resolución pacifica d'o conflicto.
Referencias
Articlos relacionatos Conflicto d'Artsakh Enfrontinamientos d'Armenia–Azerbaichán de 2014 Enfrontinamientos d'Armenia–Azerbaichán de 2016 Enfrontinamientos d'Armenia y Azerbaichán en chulio de 2020 Relacions d'Armenia y Azerbaichán
Categoría:Guerras d'o sieglo XXI Categoría:Guerras d'Armenia Categoría:Guerras d'Azerbaichán