thumb|300px|O lugar viello de Fayón en 1915.
O lugar viello de Fayón (en catalán Poble Vell de Faió) yera un lugar situau en una val en a confluencia d'os rios Ebro y Matarranya.
Historia O lugar de Fayón ya yera habitau en epoca musulmana. En o sieglo XI estió conquerida por Alifonso I d'Aragón. O suyo castiello estió construyiu pa controlar a navegación por l'Ebro. En o sieglo XVII perteneixió a lo marqués d'Aytona.
Entre sieglos vivió a la calor d'a explotación d'as menas de carbón. Os suyos materials yeran transportaus por l'Ebro en llaguts. En febrero de 1892 plegó o ferrocarril a Fayón. Isto permitió que o lugar se desembolicase encara mas.
Mientres a Guerra Civil espanyola en o cercano puesto d'Els Aüts estió o escenario de luitas violentas d'a fase inicial d'a batalla de l'Ebro, a on a 42ª División de l'Exercito Republicano prencipió o paso de l'Ebro a traviés d'ista zona en a maitinada d'o 25 de chulio, encara que yera rodiada por as fuerzas franquistas.
O 17 de noviembre de 1967 o lugar estió inundau por as auguas de l'entibo de Ribarroya y os suyos vecins habioron d'emigrar enta ciudaz como que Zaragoza, Barcelona u Reus. Una chicota parti d'os vecins (500 de 1800) se mudó enta lo lugar nuevo construyiu por l'interpresa ENHER.
thumb|300px|Una plaza d'o lugar viello de Fayón en 1921. thumb|300px|Una carrera d'o lugar viello de Fayón en 1921.
Vinclos externos "Fayón: 50 años de una historia sumergida" en Heraldo de Aragón
Categoría:Fayón