A ilesia de Santa María la Mayor u Santa María la Blanca ye una ilesia que se troba en o municipio de Berbegal, en a comarca d'o Semontano de Balbastro y provincia de Uesca, en Aragón. Fue construyida a principios d'o sieglo XI pero en 1174 ya consta que la ilesia ye parcialment esboldregada. Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, , p.206-207. Reconstruyida en o sieglo XII en estilo romanico tardano y reconstruyida en epoca posterior, lo que chustificaría a mezcla d'os estilos romanico en a cabecera y gotico en a nau y en a torre. A causa d'a suya importancia tenió lo rango de colechiata.

A edificación romanica constaba d'un molimental edificio de tres naus, transepto, cimborio, cabecera de tres absides y cuantas portiadas molimentals. En zaguerías d'o sieglo XII se remató precipitadament parti d'un segundo trampo. A planta heba d'estar de cruz latina encara que por motivos economicos habioron de zarrar-la de malas trazas.

Exterior A colechiata de Berbegal ye de molimentals proporcions. Constituyida por tres grans absides escalonaus, estando, como ye habitual, prou mas alto y fundo o suyo abside central. Iste abside central poseye tres finestras a l'exterior, tenendo nomás que una los absides laterals. Os suyos capitels se troban labraus con motivos vechetals.

Puerta norte Ye la puerta mas important, situada a o norte d'a ilesia en l'actualidat, encara que habió d'haber-se prochectau un atra mas fachendosa en a frontera occidental que no plegó a construyir-se en zarrar-se precipitadament o muro. Tiene arquivoltas abocinadas de meyo punto sobre chambas y tres pars de columnas con capitels lisos.

En y timpano trobamos un Pantocrator con un libro ubierto en a suya man, rodiau por una mandorla y con o tetramorfos, ye decir, los cuatre evanchelistas. Baixo d'él, en o cabecero, bi hai un crismón con ueito eixes, un tanto peculiar ya que l'habitual "S", s'ha convertiu en una "G" u en una sigma minuscla.

Portico sud y campanal O portico sud y a torre d'o campanal que se devanta sobre él son d'o sieglo XIII. A suya construcción cuasi tapa parte d'a porteta meridional, lo que indica que ye posterior, pues queda descentrada. O portico u porche se cubre con vuelta de crucería sencilla y primitiva. S'ubre a l'exterior por meyo de tres grans arcos apuntaus, sobre un sistema columnario enriquiu con a-saber-los capitels figuraus.

A torre sobre o portico tien tamién tres finestras, si bien istas son de composituras romanicas con dople arquivolta baquetonada sobre columnas.

Columnas exteriors Trobamos mas que mas temas zoomorfos de arradigau simbolismo: parellas de lions vichilants, combates entre dragons y lions, bel que unatro dragón androfago, lions atrapando un cuadrupedo, un hombre que pareixe cazar a un ciervo, un hombre con un gran saco a la espalda, etc.

Interior En l'interior tamién s'aprecian cualques d'as fases constructivas por as cuals pasó lo templo. O cabezal y o transepto son d'o sieglo XII, con as vueltas de forno y meyo canyón caracteristicas.

Istos tres absides son escalonaus y de distinto volumen (muito mayor o central) y tienen a particularidat d'amostrar-sen sin masiaus elementos, como retablos y atros obchectos muebles, que distraigan a suya observación.

Sobre o crucero habió d'erichir-se una cupula sobre pichinas, pero fue reemplazada en o sieglo XVI por un atra estrelada de factura tardogotica.

Columnas interiors Os capitels son lisos u de somera talla, lo que refirma o vinclo d'ista ilesia con l'arquitectura cisterciense que imperó en gran parti de l'arquitectura monastica d'a segunda metat d'o sieglo XII en buena parti d'os reinos hispanos cristianos.

Biens muebles desapareixius O mas famoso yera o frontal d'altar u antipendio pintau con a fegura de Cristo en Machestat rodiau por os doce apóstols. Ista pieza, considerada una obra mayestra amanada a l'estilo d'a sala capitular d'o monesterio de Santa María de Xixena, se tresladó enta Leida en 1904, ya que a ilesia se trobaba sin culto y perteneixeba a la diocesi de Leida. En l'actualidat s'exposa en o Museu de Leida Diocesano y Comarcal.

En 1954, Berbegal pasa a fer parti d'a diocesi de Uesca y dende 2005 se reclama, sin exito encara, a suya tornada a o puesto d'an partió.

Cheodesia Bi ha un vértiz cheodesico situau sobre a torre d'a ilesia a una altaria de 538 metros dende o livel d'a mar Fuella d'o vértiz cheodesico.

Galería d'imáchens

Referencias

Vinclos externos

Información d'a ilesia en a pachina d'o Sistema de Informción del Patrimonio Cultural Aragonés.

Berbegal Categoría:Biens d'Intrés Cultural d'o Semontano de Balbastro Maria de Berbegal Maria de Berbegal Maria de Berbegal Maria de Berbegal Berbegal Maria de Berbegal Categoría:Molimentos de Berbegal Berbegal