thumb|250px|Broche de Tara, arte celta irlandés de l'anyo 700, alto u baixo, en o Museu Nacional d'Irlanda. A choyeria ye l'arte y oficio de treballar materials pa creyar choyas. Tamién ye l'obrador d'un choyero u a botiga a on se venden os productos. As choyas son obchectos ornamentals portaus por personas, por un regular feitas con chemmas y metals preciosos. Manimenos, as choyas pueden y han estau feitas de cuasi cualsiquier tipo de material. Por un regular, cuan no incluyen garra metal preciososo puro, chemmas nobles u atros materials preciosos u preciaus, o producto se diz bixutería, y puet estar d'alta calidat pero d'un pre mas baixo.
Bellas culturas tienen o costumbre de guardar grans cantidaz de biens en forma de choyas. A choyería tamién puet estar simbolica, como en o caso d'os cristianos portiando un crucifixo en forma de choya u, en o caso de muitas culturas occidentals, os casaus levando un aniello de vodas.
As choyas en cuantas formas han estau feitas y portiadas por os dos sexos en cuasi todas (si no todas) as culturas d'a humanidat, en cadagún d'os continents. Os ornamentos personals pareixen estar una tendencia humana basica.
Materials y metodos thumb|250px|Una choya feita con diamants y un safiro thumb|250px|Una choyería Chemmas preciosas, perlas, coral, piezas de boire, monedas u atros materials u obchectos preciaus pueden estar utilizaus, por un regular fixaus u mesos adintro de metals preciosos. Os metals mas comuns utilizaus en choyería comprenden l'oro, l'archent y o platín. A mayoría d'aliacions d'oro utilizadas en choyería varian entre 10K a 22K d'oro, mientres que as aliacions de platín varian entre 900 (90% puro) y 950 (95,0% puro). L'archent utilizau en choyería ye a sobén archent de lei.
A chemmas comunas utilizadas incluyen diamants, rubins, safiros, esmaraldas, ametistas y opalos.
Atros materials comuns utilizaus son o vidre, esmalte, fusta, a sobén tallada; cascas y atras substancias animals naturals como uesos u boire; y archila natural u archilas plasticas, como o polimero d'archila.
As perlas son a sobén emplegadas en choyería. Pueden estar feitas de diferents substancias incluyindo vidre, chemmas, fusta, archila y polimero d'archila. Se gosan emplegar par fer collarez, brazaleras, pendients,...
Disenyo, prototipau y fabricación de choyas O disenyo de choyería ha teniu una revolución con as nuevas ainas CAD/CAM y con a popularización d'as maquinas de control numerico (CNC) y impresoras 3D. Os nuevos sistemas de disenyo y fabricación 3D permiten experimentar sin mugas, visualizar resultaus antis de producir, simular materials, creyar formas complexas, calcular pesos y coste, y en resumen, optimizar tot o proceso de conceptualización y realización de nuevas piezas. Rhinogold Disseny, prototipat i fabricació de joies al web del DHUB
Se veiga tamién Choyero Choya
Referencias
Vinclos externos
Ancient jewelry from Central Asia (IV BC-IV AD)
* Categoría:Botigas