Ramón Tejedor Sanz, naixiu de Zaragoza (Comarca Central, Aragón) en 1955, ye un politico aragonés, que estió o noveno President d'o Gubierno d'Aragón dimpués d'a dimisión de José Marco Berges en chinero de 1995 dica mayo d'o mesmo anyo, cuan plega a o poder d'o Partido Popular de Santiago Lanzuela Marina. RAMÓN AURELIO TEJEDOR SANZ en a Gran Enciclopedia Aragonesa
Biografía Ye licenciau en Fisica por a Universidat de Zaragoza. En representación d'o PSOE estió deputau d'as Corz d'Aragón entre 1983 y 1999. Entre 1986 y 1989 estió director cherent de l'Instituto Tecnolochico d'Aragón, y dimpués vicepresident d'o Consello Social d'a Universidat de Zaragoza. Dimpués de l'arribada de José Marco Berges a o poder en 1993, fue nombrau consellero de Presidencia y Relacions Institucionals d'o Gubierno d'Aragón.
President d'o Gubierno d'Aragón (1995)Gubierno d'Aragón Dimpués d'a dimisión de Marco en chinero de 1995, presidió o Gubierno d'Aragón dica chulio d'o mesmo anyo, Entrevista Ramón Tejedor. El País, 7 de febrero de 1995, ISSN 1134-6582 cuan plegó a o poder o Partido Popular de Santiago Lanzuela.
Trachectoria posterior Dimpués, estió portavoz d'o PSOE en as Corz d'Aragón. Con a tornada d'o PSOE a o Gubierno aragonés, ocupó o cargo de Secretario Cheneral de Relacions con as Cortes. En chulio de 2007 fue nombrau director cheneral d'a Corporación Aragonesa de Radio y Televisión (organismo publico d'o Gubierno d'Aragón pa la emisión de radio y televisión), cargo que ocupó dica septiembre de 2011. Dende chulio de 2015 dirichió l'Instituto Aragonés de Fomento, achencia de desarrollo rechional d'o Gubierno d'Aragón.
Referencias
Se veiga tamién Gubierno Marco
Categoría:Alumnos d'a Universidat de Zaragoza Categoría:Consellers de Presidencia d'a Deputación Cheneral d'Aragón Categoría:Naixius de Zaragoza Categoría:Presidents d'a Deputación Cheneral d'Aragón Categoría:Politicos d'Aragón Categoría:Politicos d'o Partido de los Socialistas de Aragón Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a I Lechislatura d'as Corz d'Aragón Categoría:Deputaus d'a II Lechislatura d'as Corz d'Aragón Categoría:Deputaus d'a III Lechislatura d'as Corz d'Aragón Categoría:Deputaus d'a IV Lechislatura d'as Corz d'Aragón Categoría:Gubierno Marco Categoría:1955 (naixencias)