La buixaruelaCon variants como buixaruala, bixaruala, buixerola, boixerola, bixolera, buixarolera, buixalina y buixilina. Tamién en masculín buixaruelo y bixaruelo. u buixeretaCon as variant buixireta y buixeta. () ye un arbusto perennifolio d'a familia d'as ericacias.
Una especie amanata, Arctostaphylos alpina, ye de fuella caduca, flor blanco-verdenca y lulo negro.
Fitonimia Lo nombre cientifico d'a buixaruela ye Arctostaphylos uva-ursi, d'orichen grecolatino. Consiste en a repetición d'un apelativo, "uga d'onso", que dan a lo lulo: en griego, arctos ("onso") y staphylos ("carrazo d'uga"); y en latín, uva-ursi ("uga d'onso").
Los nombres populars en aragonés son fitonimos derivatos de "buixo", pronunciatos de muitas trazas diferents, y relacionatos con o francés busserole y lo catalán boixerola. Asinas tenemos buixaruela en Botaya y Torla, bucharguala en Sobrarbe y localidaz como Bara, Mondot, Salas Altas y Suelves, buchargüela en Labata, bucharuala en a Mula y Escaniella, buixarala en Guaso, buixarolera en Agüero, buixerola en a redolada de Turbón y as localidaz d'Aguilar, Capella y Las Ventas de Santa Llucia y boixerola en Alins y Calasanz. En masculín existen as variants buixaruelo en a Fueva, bucharuelo en Biarche y buchargüelo en Panzano.
Se troban tamién as formas relacionadas buixereta en a Fueva, Benás, Castilló de Sos, As Corz y Toledo d'a Nata, buixireta tamién en a Fueva, buchareta en Lanacha, buixeta en Chía, Sarrablo y Sobremont y bucheta tamién en Sobremont y en Yebra de Basa. Amás se troba buixalina en Estadilla, buixilina en a redolada de Turbón, buixina en Castilló de Sos y buixo montesino en Chía.
Atras formas rechistradas en bel puesto d'a cheografía aragonesa son bisolera en Luesia y bijolera en Biel, farnusera en Saúnc, farinolera en Buerba, grisirolera en a zona de Turbón, grisirola tamién en Turbón y en Campo, modrollero rastrero, verdebuix y verdebuixera.
Descripción Caracteristicas La buixaruela ye un arbusto pomputo, d'una altaria regular que va de 15 a 30 cm. Esparde las suyas brancas, tenditas per tierra u pinchaderas, que plegan ta 1 u 2 m de largaria, de crosta de color royisca y fácil de desprender-sen. D'ellas, en rechitan rametas con as fuellas amuntonatas a un extremo, de color verda escura y lustrosas. Lo follamen ye simple, alterno y ovovato. Las flors son blanquinyosas u rosacias, en forma de copa, y de primavera s'acarrazan. Lo lulo, a bel puesto dito manzaneta, ye carnoso, d'una color roya prou viva cuan ye veroso, y con a carne de color blanca u sora, minchable, pero de sabor xasca y poco sucosa.
Toma en cualsiquier tipo de suelo, anque s'estima mes de fer-lo en terrenos secos, frescos, acidos u neutros. Ye sensible a la humidat estancata y de medro muito lento.
Climas: normal, fredo, solano Interés: flors (meliferas), lulos decorativos, no comestible
Florata La buixaruela floreix dende marzo dica chunio, seguntes l'altitut, y los lulos enveran ta la fin d'o verano u ta d'agüerro.
thumb|300px|left|Extensión plena de buixaruela Habitat L'Habitat d'a buixaruela abraca buena parte d'Europa, Asia y America d'o Norte. En a peninsula Iberica, s'esparde sobre tot per lo centro y la metat oriental, dende los Pirineus y lo Sarrallón Cantabrico dica lo Sarrallón Penibetico.
Ocupa a ormino las clapas de carrascars, caixicars, y pinars, preferindo las costeras petrosas y las collatas humedencas d'os monts.
Historia La buixaruela se documentó per primer vegata a The Physicians of Myddfai, obra galesa sobre hierbas d'o sieglo XIII. Tamién fue descrita per Clusius en 1601 y recomendata ta uso medecinal, sobre tot per Gehard, en 1763. Fició la suya aparición en o London Pharmacopoeia en 1788.
Usos Marco Polo escribió que, en o sieglo XIII, los chinos lo emplegaban como diuretico ta os rinyons y los problemas urinarios. Los amerindios tamién en feban uso ta ixos problemas pero ta tratar bellas malautias venerias, los calculos urinarios, la cistitis y la uretritis, y la obesidat. Los colonos americanos la emplegoron igualment contra la nefritis. Hue encara se fa servir a cualques países, como Polonia.
Las suyas fuellas s'utilizan en a industria d'o tabaco. Bellas etnias amerindias la incorporaban a las hierbas ta fumar.
Los suyos lulos pueden emplegar-sen ta fer confitura.
Farmacopea Propiedaz: diuretica, astrinchent, antilitiasica, antipiretico. Parte usata: fuella.
L'arbutina y la metilarbutina son d'ordinario eliminatas per lo rinyón mientres que son trasformatas en hidroquinona, que exerce una acción sedant y antipiretico. La buixaruela ye conoixita dende abe tiempo per lo suyo efecto diuretico y antiseptico natural d'as vías urinarias en o causo de cistitis, enuresi y incontinencia.
Notas
Referencias
Uva-ursi Categoría:Flora d'Aragón Categoría:Arbustos