Gronostué ye un lugar medieval situau en l'actual municipio de Samianigo, entre as localidaz d'Ipiés y L'Hostal d'Ipiés.
Nomás bi ha en l'actualidat bellas muntoneras de piedras entre as selvas de caixicos y buixos. Belunas d'as antigas piedras d'iste lugar fuoron emplegadas en a construcción de casetas y trincheras mientres a Guerra Civil Espanyola.
Toponimia L'orichen podría estar un antroponimo con o sufixo preindoeuropeu de posesión -ué. O toponimo encara se conserva alterau en os campos de Monostué, a bels 200 metros d'on se trobaba o lugar. Geografía medieval de Serrablo. José Miguel Navarro López. Colección «A Lazena de yaya», 15.
Historia Apareixen referencias a iste lugar en cinco documentos d'o Cartulario de Sant Andreu de Fanlo "Colección diplomática de San Andrés de Fanlo (958-1270)", Ángel Canellas. Zaragoza, Institución Fernando el Católico, 1964. entre os anyos 1035 y 1235:
Entre 1035 y 1070, se data una crompa d'una vinya realizada por Aznar de Aguaslimpias a Garcia Sanciones de Gronestue por seis sueldos, antimás d'atra propiedat perteneixient a o monesterio de Fanlo a cambio d'un buei (doc. 51). O rei Remiro II d'Aragón cede en aviento de 1134 a villa de Gronostué a o monesterio de Sant Andreu de Fanlo (doc. 110):
Arredol de l'anyo 1150 apareixe en atro documento d'o Cartulario García Sanz de Gronostué (doc. 117). En l'anyo 1235 l'abat d'o monesterio de Mont Aragón, Ferrando, reconoixe a propiedad de cuantas heredaz en Larbesa a Gil de Gronostué (doc. 161). En o mesmo anyo Gil de Gronostué, a suya muller, Toda, y o suyo fillo Marcos donan una finca que se troba en o lugar vecín de Larbesa (doc. 162).
Referencias
Categoría:Despoblaus medievals d'a provincia de Uesca Categoría:Lugars desapareixius de Samianigo