A Seu Metropolitana de l'Asunción d'a Santisma Virchen María a os ciels d'a Ciudat de Mexico ye a siede d'a Arquidiócesis Primada de Mexico y s'ubica en o costau norte d'a Plaza d'a Constitución en o Centro Historico d'a Ciudat de Mexico, en a demarcación Cuauhtémoc. En formar parte d'o mencionau conchunto arquitectonico en ixa aria d'a ciudat, ye en consecuencia Patrimonio d'a humanidat dende 1987.
As medidas aproximadas d'iste templo son 59 metros d'amplo por 128 de largo y una altura de 67 metros dica a punta d'as torres. Ye una d'as obras mas excelents de l'arquitectura hispanoamericana. Estió construida, seguntes os plans de l'arquitecto espanyol Claudio de Arciniega, qui s'inspiró en seus espanyolas, arredol d'una ilesia que estió erichida en o puesto #poco dimpués d'a conquiesta espanyola de Tenochtitlán. As obras prencipioron en 1573, concluyoron en l'interior en 1667 y en l'exterior dica 1813. miniaturadeimagen|Coronación de Iturbide o 21 de chulio de 1822