Escalona ye un lugar que perteneixe a o municipio de Puértolas, d'o cual en ye cabecera, con seu de l'ayuntamiento, trobando-se-ie a casa d'o lugar de Puértolas. A suya población ye de 106 habitants (2018) y ye o lugar mes gran d'o municipio.
O lugar d'Escalona se troba en a desembocadura d'o río Bellós en a Cinca, 10 km ta o norte de l'Aínsa -dirección enta Bielsa y Francia- indo per a carretera A-138. Ye un nuclio turistico, abersato mes que mes a o comercio y a hostelería, pos se troba en un puesto estratechico d'entre os pasos ta as valles de Sobrarbe per o norte, y a valle de Vio, valle de Puértolas y valle d'Anyisclo per l'ueste.
Historia Se'n conoixe a existencia dende 1219 (cal pensar que ixa cita fa referencia a "Escaloneta") ta adebant, con o primer recuento de población (conoixito) en l'anyo 1646, que teneba 2 casas (fuegos), pos a par d'alavez, yeran prou mes grans os lugars de Puértolas y Bestué y toz os que yeran en alto en a montanya pos yeran mes guardatos en caso que bi hese guerras. Tenió ayuntamiento propio dica 1845, que s'habió d'achuntar con a Espunya, y mes luego con Puértolas en 1873-1900.
A ilesia la contruyoron d'entre os anyos 1930 y 1935. Cuasi todas as construccions son modernas, pos dica o sieglo XX Escalona no heba estato un lugar guaire important en a redolada. Bi ha unatra ilesia que ye muito mes viella, pero ye tancada.
Fiestas 20 de chinero, Fiesta menor, fendo honor a sant Sabastián, con fogueras y chentada popular. 18 de chinero, fogueras de sant Antón, patrón d'os chiquez. Estes disfrazatos, rondan por as casas ta fer una lifara en bella casa d'o lugar. 8 d'aviento, Fiesta Mayor, con fama d'estar «a mes frida en Sobrarbe». Cal nombrar a «ronda d'o jadico», dita asinas puesto que os chóvens "pican" por as casas.
Demografía Evolución demografica 1646 1986 2001 2006 2 (f) 94 99 123 Dica o sieglo XVIII as poblacions de mesuraban con fuegos (f), ixo ye, as casas que bi hese en o lugar, no pas as personas.
*