Ipe yera un lugar medieval situau en l'actual municipio de Samianigo.
Toponimia Un orichen posible estaria o protovasco IB que significa "augua". Geografía medieval de Serrablo. José Miguel Navarro López. Colección «A Lazena de yaya», 15. Encara existe en a mesma zona o barranco d'Ipe, asinas como a val d'iste barranco afluyen d'o río Galligo.
Historia A primera vegada que bi ha documentación d'iste lugar ye en una donación de Ximeno Sánchez a o monesterio de Sant Chuan d'a Penya en 1315 a on dona os suyos biens en Senegüé y Sorripas, entre éls:
En 1317, ye o monesterio pinantense o que da a Sancho d'Orós una casa en Senegüé y a-saber-los terrenos, entre os que se trobaba:
En l'anyo 1374, se fa mención a un campo propiedat de "García d'Ipe" en un documento por o que se resuelve un pleito de mugas entre os lugars de Ciellas y Cortiellas.
O rei Martín I d'Aragón cederá a villa d'Ipe a o concello de Chaca o día 20 d'aviento de 1397, seguntes un documento encara conservau en l'archivo municipal d'a capital chacetana. Anyos dimpués, en 1471, será o propio concello chaqués qui atreude a, ya pardina d'Ip a os vecins de Larrede pa que podesen aproveitar a suya lenya, pasto y caza por un periodo de diez anyadas. Os habitants de Larrede heban de bosar vente sueldos chaqueses, tres cafíces y meyo de trigo y atros tres y meyo d'ordio anyals o día de Sant Miguel. Amás heban de mantener a ilesia d'a pardina en piet, amillorar-la y nunca no empiorar-la.
Entre 1845 y 1850 Pascual Madoz le da categoría de pardina pendient de Xabierre-Cuarnas.
Lechendas A lechenda d'as viellas pervivients tamién existe aquí. Se diz que bi heba dos casas en o lugar y dimpués d'una peste nomás i quedoron que dos mullers. As viellas baixoron enta Xabierre-Cuarnas ta demandar asilo y, en estar refusadas, habioron de marchar dimpués enta Samianigo Baixo. Astí las recullioron, por o que as tierras d'Ipe pasoron a estar propiedat d'iste lugar. Dimpués os de Xabierre y Satué, que quereban ixos terrenos, les ne mercoron a os samianiguenses.
Referencias
Categoría:Despoblaus medievals d'a provincia de Uesca Categoría:Lugars desapareixius de Samianigo