Aluchán (oficialment, en castellano, Aluján) ye un lugar aragonés d'o municipio d'a Fueva, en a provincia de Uesca y comarca de Sobrarbe. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.26 A suya población ye de 23 habitants (2011 «Aluján» en a subpachina «Relación de unidades poblacionales» d'o Instituto Nacional de Estadística, consultada o 21 de marzo de 2012.).
Aluchán ye una aldeya historica de Tierrantona, que en o sieglo XIX se deseparó de a dita villa ta pasar a fer parte d'o municipio de Muro de Roda (en o que ya se trobaba bellas d'as aldeyas que l'arrodeyan, como Fumanal y o Pamporciello). En l'actualidat, Aluchán y o Lumo de Muro son os dos solos nuclios de l'antigo municipio de Muro de Roda que han guardau población a lo largo d'os tiempos y encara son habitaus. «Aluján» en a pachina oficial de l'achuntamiendo d'a Fueva; consultada o 30 d'octubre de 2010. O forman cuatro casas, que son Casa Marinyosa, Casa Teixidor, Casa Carrera y Casa Mur, en estando ista zaguera la mas visible d'a localidat, pus se tracta d'un gran casal fuerte que perteneixió a o camal local d'os Mur, y disposa de dos torres defensivas de planta cuadrada que se devantan 2 y 3 plantas per d'encima d'a resta de l'edificio, y una tercera torreta, inferior, de base retonda, que defiende o recolón sud-ueste d'a construcción.
O lugar d'Aluchán se troba a baixa altitut a dintro d'a Fueva, en o calcil meridional d'o tozal de Charo, a bels 2 kms en nord-este de Tierrantona, con a que se comunica con una pista asfaltada que conecta en a carretera local HU-V-6442 (Moriello de Monclús-Fuent de Campo), que atraviesa Tierrantona, en a sortida norte de a villa cara ta l'Aínsa.
Toponimia Anque no se sabe cuan ye que se va fundar o nuclio d'Aluchán, sí que se sabe (por Tierrantona) que en a comarca ya i vivión ciudadans romanos en a epoca imperial, por o que s'ha conchecturau si no puede dimanar o nombre «Aluchán» de bel antroponimo latino como «Lucius», a o que s'habría puesto adhivir a terminación «-án» que indicase pertinenza a o dito personache.
Se tiene constancia d'a suya existencia en a Edat Meya: S'ha puesto trobar como «Aluxán» en un documento de 1231. O toponimo actual ha gosau perder de tot a pronunciación con «x» ([ʃ]) y con «ch» ([tʃ]) y en a comarca d'a Fueva a mayoría o prenuncian «Aluján» (/a.lu'xan/) como en castellano, y nomás cuan se les ne pregunta a os mas viellos saben dar treslau d'una forma con pronunciación conforme con a fonetica de l'aragonés, que afirman que ye amás antiga, con «Ch» y no pas con «X», como Aluchán.
O toponimo, atamas d'a suya pronunciación con as modas castellanas, encara conoix formas con determinant, como «l'Aluján» u «la Luján», que puede estar que se relacionen con o nombre oficial «Luján» que tamién s'ha gosau alternar en bellos momentos d'a historia con a forma «Aluján».
Demografía
Imáchens
Fiestas 24 d'agosto, Fiesta Mayor, fendo-le honras a Sant Bartolomeu. 29 d'abril, fiesta menor, fendo-le honras a Sant Pero de Verona.
Referencias
Vinclos externos
Categoría:Lugars d'a Fueva Categoría:Localidaz d'Aragón con fiestas patronals ta sant Bertolomeu Categoría:Localidaz d'a diocesi de Balbastro-Monzón en Sobrarbe