Viscasiellas yera un lugar medieval y actual pardina, a pardina de Viscasiellas (en castellano Viscasillas) situada en o municipio de Candarenas.
Toponimia D'o latín VESCAE "puesto folludo" y o sufixo diminutivo -iella. Geografía medieval de Serrablo. José Miguel Navarro López. Colección «A Lazena de yaya», 15.
Historia Viscasiellas ye un d'os lugars d'a redolada que facioron solemne voto a Sant Indalecio en 1187.
En un documento de l'anyo 1191, os chirmans Sancho de Lerés, Pedro de Oz, Berengario y Magdalena alcuerdan donar a o primero unas posesions:
Como pasó con atros muitos pueblos, bi habió una vesita o día 25 de chunio de 1338 de chents venidas de Uesca pa replegar diners pa la construcción d'a seu de Santa María. Por ixas envueltas a ilesia parroquial teneba a categoría de rectoría y o suyo rector yera Martín Cardial. Atra vegada fue vesitada o día 31 d'agosto de 1405 por os recautadors uescanos, bosando-se cinco sueldos. En o sieglo XVI, encara conservaba a categoría de rectoría.
Leyendas Como en atros muitos lugars de l'Alto Aragón se conserva o mito d'as güelas. Aquí as dos mullers no fuoron acullidas por os habitants d'Orna de Galligo, atamas d'a mediación de dos monches arribaus dende Chaca. A la fin os monches cansos de barallar marchoron atra vegada ta Chaca portiando-se a las viellas que ingresoron como monchas en un convento beneditin.
Referencias
Categoría:Despoblaus medievals d'a provincia de Uesca Categoría:Lugars desapareixius de Candarenas Categoría:Pardinas