Salvador Illa Roca (5 de mayo de 1966 de La Roca del Vallès, Espanya) ye un politico espanyol, que estió ministro de Sanidat d'o Gubierno d'Espanya dende o 13 de chinero de 2020 dica o 27 de chinero de 2021, en o Gubierno de Pedro Sánchez. L'8 d'agosto de 2024 fue esleyiu president d'a Cheneralidat de Catalunya, con os votos d'o suyo partiu, lo Partit dels Socialistes de Catalunya, y tamién de Catalunya en Comú y Esquerra Republicana de Catalunya.
Prencipió las suyas actividaz politicas como concellero d'o concello de La Roca del Vallès en as listas d'o Partit dels Socialistes de Catalunya dimpués d'as eleccions municipals de 1987, ta convertir-se en alcalde de la Roca del Vallès, lo suyo lugar natal, dimpués d'as eleccions municipals de 1995, encara que fue obchecto d'una moción de censura en febrero de 1999. Tanimientres, revalidó lo suyo cargo como alcalde en as eleccions municipals de 1999 con mayoría absoluta, y repitió en as eleccions municipals de 2003, ista vegada con mayoría simpla.
Albandonó l'alcaldía de la Roca del Vallès en setiembre de 2005, en estar nombrau ta ocupar un cargo en a Cheneralidat de Catalunya, treballando dimpués bel tiempo en o sector privau, ta treballar dimpués en bels cargos en o Concello de Barcelona. Dende noviembre de 2016 s'incorporó en l'equipo de Miquel Iceta en a dirección d'o Partit dels Socialistes de Catalunya, convertendo-se en secretario d'Organización d'o partiu, dica que en chinero de 2020 fue nombrau ministro de Sanidat d'Espanya en o Gubierno de Pedro Sánchez, cargo en o que romanió dica chinero de 2021, cuan dimitió ta presentar-se como cabeza de lista d'o suyo partiu en as eleccions a lo Parlamento de Catalunya d'ixe anyo.
Candidato d'o suyo partiu de nuevo en as eleccions a lo Parlamento de Catalunya de 2024, lo suyo partiu estió lo mas votau, prencipiando conversacions con atros partius ta formar Gobierno, que finalment rematoron con a suya elección como president d'a Cheneralidat l'8 d'agosto de 2024. Salvador Illa es investido presidente de la Generalitat de Cataluña: "Gobernaré para todo el mundo", en Heraldo de Aragón, 8 d'agosto de 2024.
Referencias
Vinclos externos
Categoría:Alcaldes de la Roca del Vallès Categoría:Alcaldes d'o Partit dels Socialistes de Catalunya Categoría:Alumnos d'a Universidat de Barcelona Categoría:Alumnos d'a Universidat de Navarra Categoría:Concellers d'o Concello de la Roca del Vallès Categoría:Deputaus d'a XIV Lechislatura d'o Parlamento de Catalunya Categoría:Deputaus d'a XV Lechislatura d'o Parlamento de Catalunya Categoría:Ministros d'o Gubierno d'Espanya naixius de Catalunya Categoría:Naixius de La Roca del Vallès Categoría:Politicos de Catalunya Categoría:Politicos d'o Partit dels Socialistes de Catalunya Categoría:Presidents d'a Cheneralidat de Catalunya Categoría:Socialistas de Catalunya Categoría:1966 (naixencias)