La muela d'Anadón ye un ixamplamiento en forma de muela subtriangular enta lo Norte de la part sudoccidental de la sierra d'Orich.

La superficie de la muela perteneixe a los termins munipals d'Anadón, Segura de los Banyos y Salcediello. Lo cabalto perteneixe sobre tot a Anadón.

Altarias La principal altaria ye de 1273 m y no ye asociada a garra nombre de cima. La Molatiella ye una penya de 1247 metros d'altaria situada en lo cabalto de lo morrón d'Albas y presenta un vértiz cheodesico.

Cheolochía La muela d'Anadón presenta uns materials paleochenos y cretacios concordants que encabalgan sobre lo Keuper y la resta de lo Triasico, a la vegada sobre lo Carbonifero de l'anticlinal de Mont Albán. Las auguas soterranas que traviesan los materials cretacios se troban los materials archilencos-salagonutz impermiables de lo Keuper y brotan cargadas de sals en los banyos de Segura.

Lo superficie d'erosión fundamental ye present sobre los materials principalment cretacios de lo cabalto, lo que da la morfolochía de muela.

En la vertient oriental bi ha una falla transversal de rumbo NNW que influye en la disposición de los afloramientos de Paleozoico a l'este y a l'ueste de la muela. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 96-100.

A lo sud d'esta muela cretacia bi ha un cambio de dirección important enta lo nord-este que ha estau interpretau como un codo de captura. Lo sistema de fallas de dirección N-S habría favoreixiu una erosión regresiva con la formación d'una foz a traviés de la que desauguó a la fin una val que primero desauguaba enta lo río Segura. María Teresa Echeverría Arnedo: El valle del río Aguasvivas. Estudio geomorfológico. Geographicalia, 19-20, 1984. pp 26-26. Unatra posibilidat ye que lo tramo inicial a lo sud de la sierra d'Orich desauguase primero enta Xalón a traviés de Campo Romanos, que ye un terreno que fue capturau por la Paleouerba. Prensa Diaria Aragonesa: Los ríos de Aragón. El Río Huerva. El Periódico de Aragón, Diputación General de Aragón, 2005, p 52.

Referencias

* Categoría:Montanyas d'Anadón Categoría:Montanyas de Segura de los Banyos Categoría:Montanyas de Salcediello Categoría:Montanyas d'as Cuencas Meneras