Ista pachina tracta sobre Sieste. Ta altros emplegos d'o toponimo «Sieste» se veiga Sieste (desambigación).
Sieste (/'sjæste/~/'sjeste/) ye un lugar aragonés d'o municipio de Boltanya, en a comarca de Sobrarbe y a provincia de Uesca. A suya población ye de 32 habitants (2010 «Sieste» en a subpachina «Relación de unidades poblacionales» d'o Insituto Nacional de Estadística; consultada o 12 d'abril de 2011.).
Sieste estió capital d'o municipio de Sieste dica que, en a decada de 1960, o termin municipal se dividió en dos y una d'as partes s'integró en o municipio de l'Aínsa-Sobrarbe, y l'altra, en o de Boltanya.
Cheografía
Sieste se troba en l'altura d'un cerret que fa de divisoria d'entre la valle de Boltanya y a de Sieste. O cerro, que ha nombre de «monte d'a Madalena», se prolarga, a menor altaria, dende o sarrato de Campodarbe, que a la suya vegada ye una estribación conectada con a sierra d'o Gabardón.
En norte de Sieste se troba la valle de Boltanya, con a villa de Boltanya concarada en a man cuentra de lo río Ara, chusto adebant de lugar. En sud, a valle de Sieste queda deseparada de la de Boltanya por o cerro que sinyorea lo casar de Sieste, tot trazando lo barranco homonimo un trampo cuasi paralelo a l'Ara, d'antes no mete un recolón y chira unaltra vegada cara ta'l río, a on que desemboca.
Urbanistica
Sieste presenta una disposición urbana con miras, posiblement, defensivas. Dende l'altura a on ye, cosira por un costau a valle de Boltanya y por l'altro la valleta d'o barranco Sieste, que ye defensada, en a cuentra, por o despoblau medieval de Morcat.
As casas cierran o nuclio urbano por o nord-ueste, contra l'acceso por o sarrato de Campodarbe. As caras norte y sud de lugar, millor protechidas por o deslivel d'a montanya, son acondicionadas como miradors en l'actualidat, con anvistas sobre las dos valles. O conchunto urbano guarda en o centro a ilesia y as casas nobles de lugar, como casa l'Abadía y casa Raval, que en l'actualidat s'han fusionau ta reconvertir-las en un hotel rural.
As casa tradicionals en Sieste son: casa Cavero, casa Piquero, casa Tomás, casa Chusta, l'abadía y casa Raval (actualment, un solo hotel), casa Chil y casa Albars. Por a tradición oral, se sabe que i existiba unaltra casa, que se deciba casa Solano, pero que no s'ha conservau.
En l'actualidat, s'ha gosau construir-ie belaltras casas, que i son nuevas y destinadas a segunda residencia u periodos vacacionals de familias foranas, por o que lo casco urbano ha creixido. En i ha a on que enantes i heba las eras de Cavero y de Raval, y en l'antiga huerta de casa Tomás. Tamién s'ha substituido con nuevas viviendas l'antiga casa-escuela y a casa de la Villa, y a ferrería.
Historia O lugar de Sieste ye documentau dende la Edat Meya (cuan diz que lo nombre s'escribiba «Siest''»). A tradición popular fa dir que yera en o puesto a on que actualment se puede trobar a ermita de Sant Vicient, pero que se despobló por unas pestes, y que, en refundar-lo, lo fizon en l'altura que ye como se'l puede trobar huei.
Se sabe, tamién, que Sieste estió capital d'o municipio homonimo dende os primers censos modernos de 1842, y que l'achuntamiento incluiba belaltros lugars y pardinas que i ha en a redolada, como La Valle, Sant Martín, Sant Velián, Luparuelo, Morcat y Puimorcat. Os tres zaguers heban tenido un achuntamiento de conchunta, con seu en Puimorcat, pero fuén absorvidos por Sieste cara ta 1857. «Pueyo de Morcat» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 12 d'abril de 2011
O municipio de Sieste cambió de nombre en 1857, en alternando-se con o nombre d'A Torriciella (que tamién en feba parte), dica que se tornó a rebaptizar como «Sieste» en 1877. Desapareixió en a decada d'os anyos 1960, en estando absorvidos Morcat, Puimorcat, Sant Velián, Sant Martín, La Valle y Sieste por o municipio de Boltanya, y A Torriciella por l'Aínsa-Sobrarbe.
Demografía
Monimentos thumb|right|250px|A ilesia de Sant Chuan Baptista, en Sieste. A ilesia, d'estilo gotico aragonés, ye consagrada a l'advocación de Sant Chuan Baptista.
Anque en a suya forma actual data d'o sieglo XVI, en existió unaltra anterior (lo menos, d'o sieglo XII) que yera romanica y que fué substituida por l'actual. En a ilesia actual se puede restas de ixa ilesia romanica anterior.
Imáchens
Fiestas 24 de chunio, fiesta menor, «Calendario festivo» en a pachina oficial d'a Comarca de Sobrarbe; consultada o 12 d'abril de 2011. fendo-le honras a Sant Chuan Baptista. S'emprende fogatas en o lugar, y se fa una romería ta la ermita d'a Madalena. 31 d'agosto, Fiesta Mayor, fendo-le honras a Sant Remón Nonato. A fiesta se mira ta celebrar a zaguer semana d'agosto, por estar a mas amanada a lo día de Sant Remón. A fiesta mayor se fa de conchunta con Sant Martín y La Valle, por o que tamién ye fiesta d'ixes lugars. Bel cabo de semana en setiembre, se va romeus ta la ermita d'a Virchen de la Sierra, chunto con os de Guaso y belaltros nuclios d'a redolada.
Referencias
Vinclos externos
Categoría:Lugars de Boltanya Categoría:Localidaz d'Aragón con fiestas patronals ta sant Remón Nonato Categoría:Localidaz d'Aragón con fiestas patronals ta sant Chuan Baptista Categoría:Localidaz d'a diocesi de Balbastro-Monzón en Sobrarbe