thumb|300px|Depresion meya intrapirenenca en la canal de Berdún La depresión meya intrapirenenca ye un sinclinorio d'orientación ueste-este entre las sierras interiors y las sierras exteriors pirenencas. Antonio Higueras Arnal (coordinador): Geografía de Aragón Tomo I. Editorial Guara. pp 32-36. Ye formada principalment por rocas sedimentarias marinas l'Eoceno superior y continentals de l'Oligoceno.

Cheograficament ye una ampla depresión perpendicular a las vals pirenencas y por tanto paralela a las sierras interiors pirenencas que l'amugan por lo norte y a las sierras exteriors que l'amugan por lo sud. Fan part de la depresion meya intrapirenenca la Canal de Berdún en Chacetania, la Ribera de Fiscal en Sobrarbe (y la suya prolongación por l'Ara ta Boltanya y L'Ainsa), Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, pp 283-287, p. 292. y la cuenca de Graus-Tremp en Ribagorza y Pallars.

Bi ha dos dominios principals: las "sierras oligocenas" en las piedras panals, salagons y conglomerau y las depresions ditas "canals y vals" en los salagons azuls de l'Eoceno. Lo flysch ye considerau por bel autor como part de la depresión intrapirenaica, Ánchel Belmonte Ribas, Guía geológica del Pirineo, Editorial Pirineo, 2003. manimenos belatros consideran que ye en las sierras interiors. En tot caso ye una zona de transición topografica.

Canals y vals 250px|thumb|right|La localidat de Berdún se troba en un pueyo alomau que destaca topograficament respecto a los salagons de la depresión meya intrapirenenca. Las canals son depresions con fondón plan y marguins claras que se fan a on que bi ha grans afloramientos de los salagons de l'Eoceno superior. Las vals son menos homochenias litolochicament, tienen marguins irregulars y pueyos orientaus que fan que la forma de depresión siga menos vistable.

Son vals y canals estas fondadas:

Canal de Berdún. Val Ancha. Val Estrecha. Val d'Onsella. Guarguera.

Las depresions d'Ena y Bailo son d'una categoría menor.

Sierras oligocenas 250px|thumb|right|Etapas en la formación de las sierras oligocenas de la depresión meya. Texto en castellano. Las sierras oligocenas se situan en los dos costaus de lo gran sinclinorio formando dos series de sierras y representan releus estructurals que s'han feito a vegadas en alternancias de piedras panals y salagons que rematan en livels superiors de conglomerau.

Son sierras de lo costau norte de lo sinclinorio:

Sierra de Penya Musera. Sierra de Nabla. Sierra de la Sarda. Punta d'a Selva. Sierra d'Arras. Mont Guaso. Sierra de Buyán. Sierra de Sant Pedro. Sierra d'os Capitiellos. Sierra de Sant Chuan d'a Penya (1.552 m). Penya Uruel (1.769 m). Sierra de Canciás. Sierra de Picardiello. Sierra de Portiello. Sierra d'o Gabardón.

Son sierras de lo costau sud de lo sinclinorio:

Sierra de Santa Isabel. Sierra de Xabierre. Sierra de Belarra. Sierra d'Aineto.

Referencias

Bibliografía Instituto Geológico y Minero de España: Mapa Geológico de España E 1:50.000. Jaca. Fuella 176 28-9. Servicio de publicaciones del Ministerio de Industria y Energía, 1994.

Vinclos externos Provincia de Uesca en GEA.

*