O Blériot VI Libellule, en a suya primera versión y Blériot VI Bis en a segunda, fue un avión experimental y historico disenyau por o pioner de l'aviación Louis Blériot y construito en Francia en 1907 por Blériot Aéronautique.
Inspirau por o concepto d'avión de Louis Peyret o suyo disenyo cambió de forma radical con as anteriors aeronaus de Blériot, optando ista vegata por una ala tándem, en primeras no tenió garra de exito, pero modificacions posteriors permitioron os suyos primers exitos desapegando d'o suelo por primera vegata 11 de chulio de 1907 fendo un vuelo curto, pero en diyas siguients consiguió desapegar d'o suelo en cuantas ocasions mas 100 metros entre os que cal destacar un vuelo de 143 metros de largaria. En agosto fendo uno d'istos vuelos, tenió un mal aterrizache y estió danyau, aproveitando isto Bleriot li ficó un motor con mas potencia, un Antoinette Vee-16 50 CV, con ista nueva versión, dita Blériot VI Bis, tamién consiguió fer cuantos vuelos de mas de 100 metros antis de tener un accident a on quedó destruito o 17 de setiembre de 1907.
Bibliografía Elliot, Brian A.; Bleriot: Herald of an Age. Stroud: Tempus, 2000 . . Devaux, Jean and Michel Marani; "Les Douze Premiers Aéroplanes de Louis Blériot". Pegase Nº 54, Mayo de 1989.
Vinclos externos
Nova: A Daring Flight.
Categoría:Avions experimentals Categoría:Avions historicos Categoría:Historia de l'aviación Categoría:Avions construitos en Francia