En fisica de particlas, una particla elemental ye una particla subatomica sinse substructura, ye dicir, que no se composa d'atras particlas. Entre as particlas consideratas huei elementals, se troban os fermions fundamentals (quarks, leptons, antiquarks e antileptons), que en cheneral son "particlas de materia" e "particulas d'antimateria", asinas como los bosons fundamentoals (bosons gueiches e o bosón de Higgs), que en cheneral son "particlas de fuerza" que meyan as interaccions entre fermions. Una particla que contién dos u mas particlas elementals se diz "particla compuesta".
A materia ordinaria se composa d'atomos, que antigament se creyeban que yeran particlas elementals —de feito, ἄτομος en griego antigo significa "intrestallable"— encara que a existencia de l'atomo remanió cuestionato dica 1905 alto u baixo, ya que bels fisicos importants veyeban as moleculas como ilusions matematicas e a materia como composata zaguerament d'enerchía.Braibant, Sylvie; Giacomelli, Giorgio; Spurio, Maurizio (2012). Particles and Fundamental Interactions: An introduction to particle physics (2ª ed.) (en anglés). Springer. .Newburgh, Ronald; Peidle, Joseph; Rueckner, Wolfgang (2006). "Einstein, Perrin, and the reality of atoms: 1905 revisited" (PDF) (en anglés). [American Journal of Physics]. 74 (6): 478–481. Bibcode:2006AmJPh..74..478N. doi:10.1119/1.2188962. Archivato d'o PDF orichinal o 3 d'agosto de 2017. Consultato lo 17 d'agosto de 2013. Os constituyents subatomicos de l'atomo s'identificoron por primera vegada en o escomencipio d'os anyos 1930: o electrón e o protón, chunto con o fotón, a particla d'a radiación electromagnetica. En aquella epoca, a recient arribada d'a Mecanica cuantica estió cambeando radicalment a concepción d'as particlas, en poder esnavesar una sola particla un campo aparentment como si estase una onda, una paradoxa que encara enguilia una explanicación satisfactoria.Weinert, Friedel (2004). The Scientist as Philosopher: Philosophical consequences of great scientific discoveries (en anglés). Springer. pp. 43, 57–59. Bibcode:2004sapp.book.....W. .Kuhlmann, Meinard (24 de chulio de 2013). "Physicists debate whether the world is made of particles or fields – or something else entirely" (en anglés). Scientific American.
Gracias a la teoría cuantica, se trobó que os protons e neutrons contienen quarks, quarks alto e quarks debaixo, agora consideratos como particlas elementals. E adintro d'una molecula, os tres graus de libertat d'o electrón (carga, espín e orbital) pueden deseparar-sen, gracias a la función d'onda, en tres cuasiparticlas (holón, espinón e orbitón).Merali, Zeeya (18 d'abril de 2012). "Not-quite-so elementary, my dear electron: Fundamental particle 'splits' into cuasiparticles, including the new 'orbiton'" (en anglés). Nature. doi:10.1038/nature.2012.10471. Manimenos, un electrón libre –ye dicir, uno que no ye orbitando un nuclio atomico e, por tanto, li falta movimiento orbital– aparixe intrestallable e remane visto como una particla elemental.
Arredol de 1980, a condición de particla elemental como propiament elemental –ye dicir, como zaguer constituyent d'una substancia– mayoritariament se descartó en aras d'una visión mas practica, incorporato en o Modelo Estandard d'a fisica de particlas, que ye a teoría cientifica con mayor exito experimental.O'Neill, Ian (24 de chulio de 2013). "LHC discovery maims supersymmetry, again". Discovery News. Consultato lo 28 d'agosto de 2013. Muitas d'as elaboracions ulteriors e teorías dillá d'o Modelo Estandard, inclusa la popular supersimetría, dopla o numero de particlas elementals en hipotetizar que cada particla conoixita s'asocia con una companyera "enfoscata" a-saber-lo mas masiva,"Unsolved mysteries: Supersymmetry" (en anglés). The Particle Adventure. Berkeley Lab. Consultato lo 28 d'agosto de 2013.''Revealing the Hidden Nature of Space and Time: Charting the Course for Elementary Particle Physics (en anglés). National Academies Press. 2006. p. 68. Bibcode:2006rhns.book....... . encara que ditas supercompanyeras continan sin d'estar descubiertas."CERN latest data shows no sign of supersymmetry – yet" (en anglés). Phys.org. 25 de chulio de 2013. Consultato lo 28 d'agosto de 2013. Tanimientres, o bosón elemental que meyarba en a gravedat, o gravitón, contina estando hipotetico. Tamién, como indican as hipotesis, l'espacio-tiempo prebablement siga cuantificable; por tanto, ye prou prebable que existan "atomos" d'espacio e tiempo por éls mesmos.Smolin, Lee (Febrero de 2006). "Atoms of Space and Time" (en anglés). Scientific American. Vol. 16. pp. 82–92. doi:10.1038/scientificamerican0206-82sp.
Notas e referencias
Categoría:Particlas elementals Categoría:Mecanica cuantica Categoría:Teoría de campo cuantico Categoría:Fisica Categoría:Fisica nucleyar y de particlas Categoría:Fisica atomica