A ilesia de Santa María Malena ye una ilesia que se troba en Zaragoza (Aragón). Guillermo Fatás (coord.) Guía histórico-artística de Zaragoza, Concello de Zaragoza, 1991, , p.180 Ye una ilesia d'estilo mudéchar construyida en o sieglo XIV.
Historia Ista ilesia mudéchar d'o sieglo XIV apareixe ya mencionada como ilesia romanica en o 1126. Reformau o suyo interior en os sieglos XVII y XVIII en estilo barroco, ha manteniu orichinal a estructura y a torre cuadrada, realizada en ladriello, con grans analochías con as torres mudéchars de Teruel.
Descripción A suya fabrica, tipica d'as ilesias d'o mudéchar aragonés, ye d'una nau unica de crucería sencilla (oculta dimpués d'a reforma barroca) con cabecera en abside poligonal de siet cantos y sin contrafuertes a l'exterior, ya que entre els se situaban chicotas capiellas laterals. Sobre ellas i hai un andito de tribunas, usual en as ilesias-fortaleza d'a rechión. En os lienzos d'a zona inferior de l'abside apareixen panyos d'arcos mixtilinios entrecruzaus, posiblement relacionaus con l'Alchafaría, sobre els un conchunto de finestras ochivals y mas ta alto, caracteristicas lacerías de cruces resaltadas en ladriello que forman dibuixos de rombos.
A torre se pareixe a os alminars almohades, con dos cuerpos cuadraus concentricos entre os que sube una escalera con teito de voveda d'aproximación u falsa voveda, imitando as solucions constructivas d'a torre de Sant Martín de Teruel. A torre interior alberga cuantos pisos de habitación cubiertos con voveda d'ariesta. A l'exterior presenta tres cuerpos deseparaus por impostas con decoración de ceramica vidriada blanca y verda, arcos mixtilinios, finestras en arcos tumidos y de ferradura.
Referencias
Vinclos externos
Ficha en gcatholic.org
Categoría:Biens d'Intrés Cultural d'a Comarca Central María Malena María Malena de Zaragoza María Malena de Zaragoza María Malena de Zaragoza María Malena de Zaragoza Zaragoza María Malena de Zaragoza