La muela de Santa María Magdalena (en catalán mola de Santa Maria Magdalena) ye un muela d'edat oligocena-miocena. Se troba en la comarca de lo Matarranya y en lo termin municipal de Val de Robres. La suya principal altaria ye de 821 m.
Toponimia Lo oronimo mola de Santa Maria Magdalena proviene de la ermita homonima que se troba baixo una covacha que bi ha en lo livel resistent de conglomerau de lo cabalto.
La muela de Santa María Magdalena y la moleta d'Insa dan nombre a la partida de Les Moles en lo termin municipal de Val de Robres.
Hidrolochía La muela de Santa María Magdalena ye en lo interfluvio de los ríos Tastavins, Matarranya y Pena (en sentiu horario). Lo barranc dels Calderers y la vall dels Violins desauguan la versants nord-ueste recullindo-se en lo río Tastavins. La vall dels Batallers desaugua la versant norte, se reculle en lo río Matarranya y presenta un naixedero a piet de la muela (Els Obellons). Lo río Pena y lo suyo afluent barranc de Rosselló desauguan la versant sud-este.
Cheolochía Lo livel resistent de lo cabalto ye principalment de conglomerau. D'acuerdo con bel mapa cheolochico l'eixe de l'anticlinal de Calanda pasa baixo la cantonada nord-este d'esta muela.
Vechetación Cuasi toda la muela ye cubierta por un pinar de pin borde (Pinus halepensis), con bel eixemplar de pin nasarro (Pinus nigra), enta lo cabalto, asinas como carrascas (Quercus ilex ballota). Baixo los pins creixe un matigal propio de lo carrascal que debió estar la vechetación climax orichinal.
Referencias
Bibliografía Carmelo López Esteruelas, Manuel Siurana Roglan: Valderrobres paso a paso. Coedición de lo Concello de Val de Robres, l'Omezyma y l'Asociación Cultural Repavalde. 2005. Instituto Geológico y Minero de España: Mapa Geológico de España E 1:50.000. Castelserás. Fuella 495 (30-19). Servicio de publicaciones de Ministerio de Industria y Energía, 1978. Instituto Geológico y Minero de España: Mapa Geológico de España E 1:50.000. Peñarroya de Tastavins. Fuella 520 (30-20). Servicio de publicaciones de Ministerio de Industria y Energía, 1978.
Santa María Magdalena Santa María Magdalena Santa María Magdalena Muela de Santa María Magdalena Categoría:Montanyas d'o Matarranya