A ilesia d'o Perpetuo Socorro de Zaragoza ye una ilesia que se troba en Zaragoza (Comarca Central, Aragón). Ilesia d'o Perpetuo Socorro en o blog "Zaragoza. Arquitectura. Siglo XX" Ye una ilesia d'estilo neomedieval construyida en o 1947.
Historia A ilesia parroquial de Nuestra Sinyora d'o Perpetuo Socorro fa parti d'un conchunto convento–parroquial perteneixient a la Congregación d'o Santismo Redemptor, estableixida en Zaragoza en l'anyo 1945 pa levar ista parroquia. A construcción de l'edificio d'a iglesia y a residencia fue dirichida por l'arquitecto Joaquín Maggioni en 1947. Se tracta d'un complexo formau por dos nuclios d'edificación que fan anglo y que tienen dentrada por l'avenida Goya y o paseyo de Sagasta.
A construcción d'o templo propiament dito prencipió en 1950, seguindo o prochecto de mosén Otero, alavez provincial d'a orden, y de mosén José Morán, rector. D'ista etapa ye a suya polida estructura de basilica bizantina. Dende 1953 y dica 1959 mosén Jesús Faus exerce como rector, fendo-se en istos anyos o recubrimiento y pintura d'as columnas imita o marbre vetiau, o sobrebuen retablo, que ye obra d'os famosos chirmans Albareda, as vidreras y a pintura de l'artesonau. Tamién se construyen en ixos anyos a torre campanal, a on s'instalan cuatre campanas, y os dos altars laterals d'o Santismo redemptor y de Sant Chusé, obra tamién d'os chirmans Albareda.
Ista ilesia ye a seu actual d'a Cofradía de la Institución de la Sagrada Eucaristía.
Referencias
Vinclos externos Web oficial Parroquia Nuestra Señora del Perpetuo Socorro. Cofradía Eucaristía. Reportaje fotográfico Iglesia del perpertuo socorro de Zaragoza en Steemit. Ficha en gcatholic.org
Perpetuo Socorro Perpetuo Socorro de Zaragoza Perpetuo Socorro de Zaragoza Perpetuo Socorro de Zaragoza Zaragoza Perpetuo Socorro de Zaragoza Perpetuo Socorro de Zaragoza