Lamata

As formas «a Mata» y «la Mata» rendrezan ta iste articlo. Ta atros usos de «Mata» se veiga La Mata (desambigación).

Lamata TOMÁS ARIAS, Chabier. El aragonés de Biello Sobrarbe. Instituto de Estudios Altoaragoneses. Uesca, 1999. ye un lugar aragonés d'o municipio de l'Abizanda, en a provincia de Uesca y a comarca de Sobrarbe. A suya población ye de 27 habitants (2010 «Lamata» en a subpachina «Relación de unidades poblacionales» d'o Insituto Nacional de Estadística; consultada o 23 de chunio de 2011.).

En chunto con Escaniella formón un municipio, plegaus, dende 1834 «Lamata» en a web de l'achuntamiento de l'Abizanda; consultada o 24 de chunio de 2011. (que en o censo de 1845 se deciba «Escanilla y Lamata») dica la suya absorción en l'Abizanda en 1857. «Escanilla» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 24 de chunio de 2011.

Cheografía

Lamata se troba en una planeta, que cheolochicament corresponde con una terraza fluvial, en a ribera dreita d'a valle d'o río Susía, en a subcomarca sobrarbenca que se conoix como Viello Sobrarbe.

Se i arriba por una pista asfaltada que naix en a carretera autonomica A-138, a bels 150 m d'antes de o Mesón de Ligüerre (tot circulando en sentiu Balbastro→l'Aínsa). A pista, que esnaviesa por o lugar en tornando-se a sola carrera que Lamata tiene, conduce dimpués ta o Elsón y Chabierre, Mondot y, en ixe sentiu, se'n va a morir ta la carretera local A-2205 (Alquezra-Guaso, por Lecina, Barcabo y l'Arcusa) en o corazón de o Viello Sobrarbe. Bel par de callizos confluyen en a carrera principal dende propiedaz privadas.

Estructura urbana

O nuclio urbano careix de a estructura condensada de belaltras poblacions, y as diferents casas se troban distanciadas bels metros as unas d'as atras, arredol de a sola carrera que recorre a población, y que, en realidat, ye a carretereta que puya ta o Elsón y Mondot.

Lamata destaca por o numer de casas nobles que i ha, con cualques edificios de grans dimensions, y con elementos arquitectonicos que cal destacar, como as finestras de piedra picada que i ha en casa Arasanz, u os puzos d'augua que cuasi todas as casas tienen.

Pareix que o numer de casas de Lamata ha bailau, en os zaguers cincocientos anyos, d'entre os 6 fuegos con que o contón en o fogache de 1488 y as diez casas que i ha en l'actualidat, en pasando por as doce que teneba en 1626, cuan que cualques d'os infanzons que i veviban asistión a las Corz de Balbastro.

A ilesia ye consagrada a Sant Icisclo y Santa Victoria de Cordoba Parroquias de l'arcipestrau de Semontano y Sobrarbe, en a pachina d'a Diocesi de Uesca; consultada o 26 de chunio de 2011. y ye una construcción d'o sieglo XVI. En a placeta que queda adebant de a ilesia, d'entre ixa, casa Cosculluela y una grancha adhibida por dezaga d'ista zaguera, i ha o crucero de Lamata, que ye declarau Bien d'Intrés Cultural (codigo SIPCA 1-INM-HUE-003-002-052).

Historia

A historia de Lamata se conoix, mas que mas, por a divulgación que n'ha feito o suyo vecín Jesús Cardiel Lalueza, responsable d'o Museu Paleontolochico de Sobrarbe y autor d'un blog y numbrosos articlos sobre historia y chenealochía en cualques publicacions de a comarca.

Teneba un castiello, anque en l'actualidat no se'n ha guardau restas, porque se'n sabe que Remiro lo Monche les ne cedió a os canonches de a seu de Uesca en 1137. En l'anyo 1290, o rei Alifonso lo Franco dio Lamata en sinyoría a un noble, de nombre Sancho d'Antillón.

En 1626, cualques vecins, infanzons, de Lamata fuen ta las Corz de Balbastro. Si bien diz que Lamata no ye o lugar que mas infanzons alportó a ixas corz, sí que pareix que d'entre os lugars d'a on que en i fué yera o que mas en teneba en proporción, pos en i fuen cuatorce Dentrada «Infanzones de Lamata en el año 1626», en Casas e Infanzones de Sobrarbe; consultada o 24 de chunio de 2011. d'un total de doce casas.

Demografía

Imáchens

Fiestas thumb|right|250px|A ilesia de St. Icisclo y Sta. Victoria, d'o sieglo XVI. 29 d'abril, romería ta la cruz de San Pero, «Calendario festivo» en a pachina oficial d'a Comarca de Sobrarbe; consultada o 23 de chunio de 2011. fendo-le honras a Sant Per Mártir. 28 d'agosto, Fiesta Mayor fendo-le honras a Sant Agostín. 4 d'octubre, fiesta menor fendo-le honras a la Virchen de o Rosario. 4 d'aviento, romería ta la cruz de Santa Barbara, fendo-le honras a ixa santa.

Toponimia Pareix que o toponimo no s'ha documentau nunca como «a Mata», con a primer silaba emplegada como articlo. De forma bien significativa, en o marco de l'estudio que Chabier Tomás fizo sobre a parla d'o Viello Sobrarbe en a segunda metat d'os anyos 90, os habitants de Lamata refusaban de plano, debant de a pregunta explicita, que nunca se l'hise dito «A Mata» ni en a localidat ni en a resta de nuclios d'a redolada.

En o estudio de Ch. Tomás se menciona, tamién, a unanimidat d'os naturals de Lamata en dicindo que o nombre de lugar no ye garra forma lexicalizada d'un substantivo con articlo, y que se refusa as formas d'escribir-lo «a Mata» y «la Mata» (a segunda, por estar conforme con o castellano, anque amaneix a sobén en publicacions y en toponimias no oficials, estaría erronia tamién).

Por contra, pareix que a palabra dimana de o latín <*LANDA, que significa «lanya» u «puesto con praus», y como «Lamata» se troba en toz os documentos a on que se menciona a'l nuclio, dende os primers que datan d'o sieglo XII, dica l'actualidat. En iste sentiu, M. Benito Moliner tamién apuntaba a la necesidat d'escribir-lo en chunto, anque él atorgaba la suya etimolochía a la radiz prerromana <*MATTA, ''Índice de pueblos del Alto Aragón, el orígen de sus nombres. Por Manuel Benito Moliner. Consultau o 24 de chunio de 2011. que gosa significar «selva» u «matical».

Referencias

Vinclos externos

Categoría:Lugars de l'Abizanda Categoría:Localidaz d'Aragón con fiestas patronals ta sant Agostín d'Hipona Categoría:Localidaz d'a diocesi de Uesca en Sobrarbe