A bolomagaCon as variants bolomaca, burumaga, brumaga, molomaga, rumaga, grumaca, grumuaca, grumaga, gurumaca, gurrumaca, esbolomaga, galomaga, molumaga y murumaga. u cornicrabaCon a variant cuernicraba. ( (L., 1758)) ye una planta herbacia perén d'a familia Fabaceae, en a orden Fabales, conoixida y que s'emplega mas que mas por as suyas propiedaz medecinals diureticas en as personas y os ganaus.

Ye una planta borde que vive en praus y marguins, apareixida con l'alfalz pero mas dura y con os tallos lenyosos y bella vez tamién con punchas. Sobrevive millor con suelos pobres y en sequera. Habita por tot en Asia, Europa meridional y o norte d'Africa.

Descripción A bolomaga ye una hierba de tallos duros que gosa arribar a fer uns 80 centimetros d'alto, anque a mayoría d'eixemplars se troban entre ixa altaria y uns 25 u 30 cm nomás. As fuellas son composadas, siempre con 3 foliolos con a ladera lobulada y superficie pilosa. En os eixemplars mas viellos u que han recibiu mas sol, os tallos a sobén fan punchas protectoras que guardan as fuellas contra os herbivoros.

A vena ye adventicia, estensa y profunda. As plantas maduras gosan estar bien enradigadas y costa de rancar-las, por o que bellas personas as consideran «malas hierbas». Como atras fabacias, tiene nodulos fixadors de nitrocheno de l'atmosfera con bacterias simbionts que pertenece a o chenero Rhizobium.

As flors son labiadas de color rosa blanquinyosa. Floreixe en primavera. Os fruitos son tabilletas, pilosas cuan son verdes, que en ixecar-se s'ubren con un esclafiu y fan brincar a simient.

Fitonimia

En a mayoría d'Aragón se conoixe esta planta como «bolomaga». Mosen Pardo Asso replegó la expresión «rancar la bolomaga» con o significau de «fer lo mas difícil d'una operación»PARDO ASSO, José, Nuevo diccionario etimológico aragonés (voces, frases y modismos usados en el habla de Aragón) (Facsímil). P. 59; Institución «Fernando el Católico» + Gara d'Edizions. 2002. en relación puestar que con as venas tan fondas que tiene. En Sastago, o diccionario de Moneva traye ixa misma expresión pero con o significau de «fer fuera a uno que estorba».MONEVA y PUYOL, Juan, Vocabulario de Aragón; Institución «Fernando el Católico» + Prensas Universitarias de Zaragoza + Xordica Editorial. 2004. Unatra expresión que recentó Pardo Asso y que contiene la bolomaga ye «bolomaga secreta», con o significau de «persona que fa mal y ye falsa».

En a val de Vió, de Sobrarbe, en dicen tamién «bolomaca», con o soniu conservador de <k>, anque tamién se'n conoixe a forma con <g>, bolomaga.QUINTANA i FONT, Artur, El Aragonés nuclear de Nerín y Sercué (Valle de Vio); Institución «Fernando el Católico» + Gara d'Edizions. 2007. Unatra forma de decir con conservación d'a <k> se puede trobar en a val d'Echo, que en Ciresa y a villa d'Echo se documenta «grumaca».VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza, 2004. .

A forma «brumaga» s'ha trobau citada en puestos de Cinco Villas como Val Palmas, Uncastiello, Exeya y Sos. En Tarazona y Moncayo se documenta «bomaga».LAHIGUERA ALBERICIO, Dabi, A Fabla de Moncayo. Estudio comparativo con a lengua aragonesa; Edicions Transiberiano. 2017. Tamién se conoixe popularment como camerio, mielca de chitano u unya de gato.

Imáchens

Se veiga tamién

Rebasto. Tefla.

Notas

Referencias

Enlaces externos

Categoría:Hierbas presents en Aragón Categoría:Plantas medicinals Categoría:Taxons nombraus por Carl Linnaeus Categoría:Flora d'Europa Categoría:Flora d'Asia Categoría:Flora d'Africa