Los monts d'Exaulín (en castellano Montes de Jaulín) son unas elevacions de la depresión d'Ebro situadas en la marguin dreita de La Uerba y a lo norte de las sierras de Fuent de Todos, fendo part de lo gran interfluvio entre este río, lo río Aguas y Ebro.
La suya superficie perteneixe a los termins municipals de Mezalocha, Muel, Exaulín y Villanueva de la Uerba.
Cheolochía Comprende lo macizo de Mezalocha, con afloramientos churasicos plegaus en anticlinal. Bi ha representacions de dos planas d'erosión (S2 y S3), despartidas en lo termin municipal de Mezalocha por una falla.
En loma Gorda hi ha restas de la mesmas calsineras horizontals que en lo cabalto de la plana de Zaragoza y en continuidat topografica con la plana d'erosión fundamental finiterciaria (S2), que se troba sobre l'anticlinal de Mezalocha.
Unatra plana d'erosión mas recient d'edat pliocena (S3) ye bels 40-50m topograficament dichós y afecta a los materials neochenos y churasicos y a lo frontón de la falla que los desparte. María Asunción Soriano: Superficies de erosión finiterciarias desarrolladas al S y SW de Zaragoza. Acta geológica hispánica, ISSN 0567-7505, Vol. 23, Nº 1, 1988, pp 39-46. Corresponde a las planas de Mezalocha, d'Exaulín y de la Hiedra, a on que ye l'Ataque.
Hidrografía La versant occidental y sudoccidental desaugua enta La Uerba, la oriental lo fa enta barrancos que complegan en lo barranco de las Vales, tributario d'este río.
Altarias La principal altaria ye Parapetos con 748 m, seguida d'atras como la corona del Fraile (710 m), Ataque (658 m), y la penya d'el Moro (585 m).
Referencias
Bibliografía Instituto Geológico y Minero de España: Mapa Geológico de España E 1:50.000. Azuara. Fuella 439 (27-17). Servicio de publicaciones del Ministerio de Industria y Energía. 1989. María Asunción Soriano: Superficies de erosión finiterciarias desarrolladas al S y SW de Zaragoza. Acta geológica hispánica, ISSN 0567-7505, Vol. 23, Nº 1, 1988
*