Se diz cachopu u cachopo (en castellano y eonaviego cachopo; y en asturiano cachopu) a un plato tipico d'a gastronomía asturiana, en Espanya. Consiste en dos grans chullas de vetiella, que se i meten pernil serrán y formache. Tot iste conchunto se friye y se mincha calient, dimpuesas d'haber-se arrebozato con uevo, farina y pan rallato; y gosa servir-se con trunfas, pimento y champinyons como guarnición.
Etimolochía Os vocables "cachopu" y "cachopo" provienen d'o vocable asturiano cachopu u castellano cachopo, respectivament, -que l'etimo d'ambos ye o vocable latín caccabus, que a la vegada ampró d'a voz griega κάκκαβος u κακκάβη.Veye "Caccăbus" en perseus.tufts.edu. Tanto en asturiano como en castellano, ista palabra teneba lo significato orichinal de tronco tuero emplegato ta alzar ferramientas de labranza; manimenos, o etimo latín quereba dicir, seguntes Varrón, "recipient a on se coceba alimentos" (en latín "vas ubi coquebant cibum"). Por a semellanza con iste tronco tuero, tanto o vocable asturiano como lo castellano amproron o significato actual de dos chullas de vetiella empanatas, y con iste sentito ye dentrata la palabra en aragonés.
Historia As primeras mencions sobre o cachopu asturiano las replega lo doctor Gaspar Casal, en primerías d'o sieglo XVIII. En o libro d'él El libro de cocina, publicato en 1938 por a gastronoma Adela Garrido, aparixe iste plato clamato en castellano filete a la asturiana (ye dicir, "filet a l'asturiana"). O cachopu en adquiere, de popularidat en, os anyos 50 d'o sieglo pasato, pos o restaurant Pelayo d'Oviedo l'adhibe en a suya carta.Batalla Cueto Pablo. "Me horripila que el cachopo desplace a la fabada como plato identitario asturiano" (en castellano). La Voz de Asturias. Consultato lo 2 de setiembre de 2017. Como diz o critico gastronomico José Ignacio Gracia Noriega, «o cachopu yera un plato antigo y de sobra conoixito por a burguesía asturiana de primerías d'o sieglo XX, pero lo suyo prestichio definitivo no arriba dica zaguerías d'as anyadas cincuanta u primerías d'as anyadas sisanta gracias a lo buen fer de bels restaurants d'Oviedo y Grau, principalment».Garcia Noriega, José Ignacio. La reconquista del cachopo ignaciogracianoriega.net (en castellano). Consultato lo 24 d'aviento de 2018. thumb|Cachopu. A partir d'ista forma orichinal, son surtitos multiples variants de cachopu de peix, pollo u tocín e rebutitos con marisco, salón, setas, pimentos, formaches, esparragos, etc...
Ye habitual en as zagueras anyadas a publicación de guidas e rotas de restaurants a on se sirven os millors cachopu. Tamién ye habitual a realización de chornadas d'o cachopu, d'entre que destacó lo mes d'o cachopu, celebrato en Madrit en noviembre de 2016.Medina, Miguel Ángel. «El ‘mes del cachopo’ consolida este plato asturiano en Madrid.» El País (en castellano). Consultayo lo 2 de setiembre de 2017.
O millor cachopu d'Espanya Dende 2012 se vienen celebrando distinctos campionatos rechionals de cachopu en a saber-las rechions d'Espanya, d'entre que destaca lo concurso de cachopu d'Asturias, organizato por a Guía del cachopo.Capel, José Carlos «¿Quién no ha comido cachopo?» El País (en castellano). Consultato lo 2 de setiembre de 2017.Arribas, J. M. «Estos son los mejores cachopos y cachopines de Asturias.» La Voz de Asturias (en castellano). Consultato lo 2 de setiembre de 2017.
Referencias
Categoría:Platos d'Asturias