O fuerte de Rapitán Toponimos oficials de Chacetania en www.lenguasdearagon.org ye un fuerte poligonal d'o sieglo XIX que se troba en a ciudat aragonesa de Chaca (Chacetania). Situau en a punta de Rapitán (1.140 m), fació parti d'o inconcluso Campo Atrincherau de Chaca. En a suya redolada se construyió a dita Batería Baixa de l'ueste y yera prevista a construcción d'un atra batería a l'este que no se fació. A suya ubicación en a dentrada d'a val d'o río Aragón le daba una importancia estratechica decisiva en a esfensa d'a muga con Francia. Se tracta d'un emplazamiento artillero pa deciueito piezas de gran calibre y con cambras pa os defensors d'ista posición. Como tal, a mayor parti d'a obra se troba enterrecada pa esfender-se d'o fuego enemigo. Nunca no dentró en acción.
Historia right|280px|thumb|Panoramica d'a ciudat de Chaca dende o fuerte de Rapitán. En 1884 prencipioron as obras de desmonte y esplanación d'o futuro fuerte en o mont de Rapitán, que dende 1675 heba estau adedicau por o concello a pasto.
En 1886 s'heba rematau o camín d'acceso a la cima y en 1890 arribarían dende a fundición de Trubia once canyons pa estar situaus en o futuro castiello. A obra, encetada a la par que o fuerte de Coll de Ladrones en Canfranc y o fuerte Santa Helena en Biescas, estió un coste pa o Estau de seis millons de pecetas, treballando en as obras doscientos cincuenta chornalers y a-saber-los canters.
En a suya historia contemporania cal esmentar os trachicos episodios escaicius en os primers días d'a Guerra Civil, cuan debant d'os suyos muros fuoron fusilaus decenas de republicanos.
Uso actual Actualment, o fuerte de Rapitán s'ha convertiu en o salón d'a ciudat, puesto a on se reciben y acullen a os mas ilustres vesitants. Amás, en os zaguers anyos l'antiga fortaleza ha estau integrada como escenario adintro d'a programación cultural d'o concello.
Cal sinyalar as actuacions que astí s'han feito en cuantas edicions d'o ciclo de musica gospel "Mirando las Estrellas", asinas como a instalación adintro d'os suyos muros de cuantas exposicions.
D'atra man, o fuerte de Rapitán ha deixau d'acullir o Museu de Miniaturas Militars, que ha estau tresladau a la ciudadela de Chaca.
Referencias
Vinclos d'intrés jaca.es jaca.com El fuerte de Rapitan (Jaca, Huesca)
Rapitán