miniatura|Recuerdos de la Alhambra Francisco d'Assís Tàrrega i Eixea (Villa-reyal, País Valenciano, 21 de noviembre de 1852 – Barcelona, 15 d'aviento de 1909), estió o primer concertista de guitarra en a suya epoca.
Empecipió a estudiar a guitarra en Castellón de la Plana con o mayestro Julián Arcas. En o Conservatorio de Madrit estudió piano y harmonía. En 1869 adquirió una guitarra excepcional construyida por Antonio de Torres (luthier), con a que naixería l'uso d'a guitarra como instrumento de concierto. En 1880 ofrió recitals en París y Londres. En 1885 fixó a suya residencia en Barcelona y dica 1903 reyalizó chiras por Espanya transcribindo numerosas composicions clasicas y con obras propias. En 1906 sofrió una paralisi d'o costau dreito d'a cual no plegó a recuperar-se.
A influyencia de Tàrrega en a guitarra d'o sieglo XX a traviés de disciplos como Emilio Pujol, estió inmensa. A suya obra propia no s'aparta d'o nacionalismo de salón y, antiparte d'unas 120 transcripcions, componió 78 obras d'as cuals agún perviven piezas como Recuerdos de la Alhambra, Capricho árabe, u Danza mora.
Referencias Editorial Espasa Calpe. Diccionario Biografico de los Grandes Compositores de la Música. pàg. 534 ()
Categoría:Compositors de musica clasica Categoría:Guitarristas d'o País Valenciano Categoría:Muertos en Barcelona Categoría:Musicos d'o País Valenciano Categoría:Naixius d'a provincia de Castellón Categoría:1825 (naixencias) Categoría:1909 (muertes)