Children of Men (títol orichinal en anglés, estrenada en Aragón con o títol en castellano Hijos de los hombres) ye una cinta britanica de cine de ciencia ficción de l'anyo 2006, dirichida por Alfonso Cuarón y producida por Alfonso Cuarón, Iain Smith, Tony Smith, Marc Abraham, Eric Newman y Thomas Bliss con guión de Alfonso Cuarón, Timothy J. Sexton, David Arata, Mark Fergus y Hawk Ostby, protagonizada por Clive Owen, Julianne Moore, Clare-Hope Ashitey, Michael Caine, Chiwetel Ejiofor y Charlie Hunnam.
O guión de Children of Men, basau en a novela de 1992 de l'escritora P. D. James The Children of Men, s'atribuyió a cinco escritors, con Clive Owen fendo contribucions no acreditadas. A cinta tien puesto en 2027, cuan dos decenios d'infertilidat humana han deixau a la sociedat a lo canto d'o suyo colapso. Os demandants d'asilo buscan cubillar en o Reino Uniu, an son aturaus y tornaus per o gubierno. Owen interpreta a lo funcionario Theo Faron, que ha d'aduyar a la refuchiada Kee (Clare-Hope Ashitey) a fuyir d'o caos.
A cinta s'estrenó lo 22 de setiembre de 2006 en o Reino Uniu y lo 25 d'aviento en os Estaus Unius. Os criticos sinyaloron a relación entre l'estreno nadalenco d'Estaus Unius y os temas d'a cinta d'esperanza, redención y fe. Tot y con o suyo lanzamiento limitau y a manca d'una estratechia de marketing clara mientres a temporada de premios per parti d'o distribuidor d'a cinta, Children of Men recibió elochios d'a critica y estió reconoixiu per os suyos logros en l'escritura d'o guión, a suya cinematografía y innovación. Estió nominada a tres premios de l'Academia: Millor Guión Adaptau, Millor Fotografía y Millor Montache de Cinta. Tamién estió nominada a tres premios BAFTA, ganando Millor Cinematografía y Millor Disenyo de Producción, y tres premios Saturn, ganando Millor Cinta de Ciencia Ficción. En 2016 estió votada en o puesto 13 entre 100 cintas consideradas as millors d'o sieglo XXI per 117 criticos de cine de tot o mundo.
Reparto Clive Owen como Theo Faron. Julianne Moore como Julian Taylor. Clare-Hope Ashitey como Kee. Michael Caine como Jasper Palmer. Chiwetel Ejiofor como Luke. Charlie Hunnam como Patric. Pam Ferris como Miriam. Peter Mullan como Syd. Juan Gabriel Yacuzzi como 'Baby' Diego. Danny Huston como Nigel. Oana Pellea como Marichka. Paul Sharma como Ian. Jacek Koman como Tomasz. Ed Westwick como Alex.
Se veiga tamién Cine en 2006. Cintas de 2006.
Referencias
Categoría:Cintas con banda sonora orichinal de John Tavener Categoría:Cintas con dirección de fotografía d'Emmanuel Lubezki Categoría:Cintas con guión d'Alfonso Cuarón Categoría:Cintas con guión de David Arata Categoría:Cintas con guión de Hawk Ostby Categoría:Cintas con guión de Mark Fergus Categoría:Cintas con guión de Timothy J. Sexton Categoría:Cintas con montache d'Alex Rodríguez Categoría:Cintas con montache d'Alfonso Cuarón Categoría:Cintas d'o Reino Uniu Categoría:Cintas de cine de ciencia-ficción Categoría:Cintas dirichidas por Alfonso Cuarón Categoría:Cintas en anglés Categoría:Cintas producidas por Alfonso Cuarón Categoría:Cintas producidas por Eric Newman Categoría:Cintas producidas por Iain Smith Categoría:Cintas producidas por Marc Abraham Categoría:Cintas producidas por Thomas Bliss Categoría:Cintas producidas por Tony Smith