O rinoceront negro ( (Linnaeus, 1758) A. K. Kes Hillman-Smith y Colin Peter Groves: Diceros bicornis. Mammalian Species 455, 1994, pp. 1–8) ye una especie de mamifero d'a orden d'os Perissodactyla y familia Rhinocerotidae que ye, dimpués d'o rinoceront blanco, a segunda especie de rinoceront, bella mas chicota, d'o continent africano. Os animals, que pesan dica 1.400 kilogramos, viven en as sabanas y paisaches ubiertos y se pueden trobar hue en l'este y Sudafrica, entre atros puestos. Allí s'alimentan sobretot de birollas vechetals tovas, prencipalment diferents tipos d'alcacia. Como animals solencos, viven en territorios de dica 40 km² de grandaria. Como ye habitual con toz os rinoceronts, una fembra nomás da a luz a una cría per cadillada, que se da de tetar dica per dos anyos. L'orichen d'o rinoceront negro ye en Africa y se remonta a 17 millons d'anyadas; parients amanaus d'a especie de rinoceront tamién ocurrioron en l'este d'Asia mientres a suya historia tribal. A especie de rinoceront ye obchecto d'una gran caza a resultas d'os suyos cuernos y menaza con amortar-se.
Referencias
Vinclos externos
Bicornis Categoría:Fauna d'Africa