thumb|right|300px|Un carbacín.

O carbacínCon as variants crabacín y carabacín, calabacínELCOCK, William Dennis, Algunas afinidades fonéticas entre el aragonés y el bearnés; Prensas Universitarias de Zaragoza + Xordica Editorial. Zaragoza, 2005. u carbacetaCon as variants crabaceta y calabaceta. ye una hortaliza de regano que ye o fuito d'a carbacinera Cucurbita pepo, bien emparentada con Cucurbita maxima que fa las carbazas regulars y as de rabiquet. Como atras cucurbitacias, o carbacín se guarda muito tiempo y tarda a-saber-lo a putrir-se, por lo que ye una verdura bien estimada y no ye rara de trobar en os mercaus cuasi tot l'anyo.

Dende o punto d'envista botanico, o carbacín ye una baya de tipo peponide. Se culle de veranos y dica primers d'agüerro.

Variedat de nombres

En Ribagorza, o carabacín recibe nombres diferents seguntes o puesto. En aragonés baixorribagorzano, arredol de Graus, Fonz, Estada y Estadilla, se le diz carabazónVIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza, 2004. .ARNAL PURROY, Mª Luisa. El habla de la Baja Ribagorza occidental. Institución «Fernando el Católico», 1998. y tamién se conoixe a forma carabaceta. En cambio, en o norte d'a comarca, en patués, le i dicen carbazón, que se pronuncia "carbasón" ya que o seseyo ye una d'as caracteristicas d'aquel dialecto. As dos formas fan acordar-se d'o catalán, que tiene buena cosa d'influencia en a redolada por estar vecino y en o cual se dice «carbassó». Por contra, en Campo recibe o nombre de carbacínMASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. que ye cuasi o mesmo o nombre que se le da en chistabínBLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. y en o norte d'A Fueva y Baixo PenyasBLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions. Zaragoza, 2005. en Sobrarbe, an ye crabacín, presentando una metatesi con respecto a l'anterior que cal que sí, l'habría puesto causar a influencia d'a palabra «craba», igual como crapacín predomina en os puestos an que l'animal se dice «crapa». Que te trenco'l crapacín!BADIA i MARGARIT, Antoni Maria, El habla del Valle de Bielsa (Pirineo aragonés). Edición d'Artur Quintana. Aladrada ediciones. Zaragoza, 2015. (aragonés belsetán)

Cosa significativa ye lo que pasa entre Sobrarbe y Sarrablo an que la palabra crabacín/crapacín pasa a tomar tamién o significau de «toza», «tozuelo» u tamién de «cranio» u «calavera». W. D. Elcock deciba que ixo yera mediau una vez mas por a craba/crapa, animal muit guito conoixiu por tociar de momento y, por tanto, por fer servir a capeza pa atros menisters que as personas. A idea de que a capeza cualque persona (igual que os animals) l'habría d'emplegar pa trucar u tociar con ella, y no pas pa pensar, ye bien enradigada en a cultura y mas que mas en l'humor popular altoaragonés, talmente mas que en atros puestos.

Emplegada asinas trobamos a forma crapacín en Bielsa, en Sercué, en Fanlo, en Yeba y en Cámbol. En Chesera y en Chillué (Sarrablo) Elcock documentó a variant crapacino. En a valle de Broto nos trobamos con as formas carapacín en Buesa y calapacín en Torla. En Bielsa, A. Badia documentó que tamién le deciban calabazón.

Entre as comarcas d'Alto Galligo y Chacetania as formas ya se tornan sonorizaderas, como crabacín, carabacín, calabacín y calabacino. En Fuencalderas (Cinco Villas) se documenta calabazón.ARBUÉS POSSAT, José. Tradiciones, costumbres y lengua en Fuencalderas (Cinco Villas, Zaragoza). Xordica Editorial. Zaragoza, 2012. .

D'alcuerdo con Elcock, a forma que coincide con a castellana estaría pues a mas comun, afuera d'una zona concreta en o Pirineu central aragonés, an que lo parellano fonetico con «capeza» y con «crapa» habría feito mas fácil a conservación d'as formas aragonesas diferenciables.

Se veiga tamién

Pepín. Pimento. Alberchena. Melón. Melón d'augua. Carbaza de rabiquet.

Notas

Referencias

Categoría:Hortalicias Categoría:Fitonimia