O cuco de luzCon a variant cuco de luceta. u cuqueta de luzCon as variants cuqueta de lum, cuqueta de llum y cuqueta de lluz. ( (Linnaeus, 1767) C. Linnaeus C: Systema Naturae per regna tria naturæ, secundum classes, ordines, genera, species, cum characteribus, differentiis, synonymis, locis, Tomus I. Editio decima, reformata, 1758. Holmiæ: impensis direct. Laurentii Salvii. i–ii, 1–824 pp.) ye una especie d'insecto d'a orden d'os Coleoptera y familia Lampyridae que se troba en Europa, Africa y Asia dica China. Tamién sobrevive mas a lo norte que cualsiquier atra especie de cuqueta de luz, plegando cuasi a lo Cerclo Polar Arctico. Manimenos no se troba en America, o sud d'Asia, Australia y l'Antarctida.

A Lampyris noctiluca presenta un marcau dimorfismo sexual. Os masclos son alaus mientres que as fembras son larviformes, lis mancan as alas y gosan tener o dople d'a grandaria d'os masclos (dica 25 milimetros).

Istos escarabachos fan servir a suya bioluminiscencia pa atrayer parellas. As fembras adultas son sobretot famosas per a suya brilor, encara que todas as etapas d'o suyo ciclo de vida son capables de brilar.

L'insecto puede regular a suya producción de luz en controlando lo furnimiento d'oxicheno a las bienzas emisoras de luz que contienen luciferina. A reacción quimica que produz a luz d'a luciferina ye catalizada per a luciferasa, que la suya estructura quimica exacta ye determinada per a estructura chenetica individual d'as cuquetas de luz, que a la suya vegada determina diferencias subtils en a luz producida d'un individuo a unatro. Practicament toda la enerchía producida ye luz; nomás o 2 % ye calor.

Os masclos fan servir o brilo d'a luminaria como indicador d'a fecundidat femenina. Hopkins, Juhani; Baudry, Gautier; Candolin, Ulrika; Kaitala, Arja (2015). I'm sexy and I glow it: female ornamentation in a nocturnal capital breeder, en Biology Letters. 11 (10): 20150599. doi:10.1098/rsbl.2015.0599. PMC 4650175. PMID 26490414. Ye mas prebable que os masclos vuelen enta una fembra mas brilant, perque ye mas gran y tien mas uegos. A resultas d'isto, as fembras compiten entre ellas per l'apareamiento. Borshagovski, Anna-Maria; Baudry, Gautier; Hopkins, Juhani; Kaitala, Arja (January–February 2019). Pale by comparison: competitive interactions between signaling female glow-worms, en Behavioral Ecology, 161. doi:10.1093/beheco/ary161.

Os masclos a vegadas se sienten atrayius per as lampas feitas per o ser humán.

Lo periodo de maxima luminosidat son as tardes de chunio y chulio. Hickmott, W; Tyler J. (2011). Seasonal variation in the female display period of the glow-worm Lampyris noctiluca L. (Coleoptera: Lampyridae), en Lampyrid, 1: 14–21.

Nombres Se conoixe como cuco de luz Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, 2004, , p.142. Canfranc, l'Aínsa, la Puebla de Castro, Nerín, Pancrudo, Pozán de Vero, Rodellar, Salas Altas, Santa Llestra y en femenín como cuqueta de luz en Sobrarbe, rechistrau en Bielsa, a Fueva, l'Aínsa y Tella y en atras localidaz como Canfranc, la Puebla de Castro, Mondot, Pozán de Vero, Salas Altas y Santa Llestra. En ribagorzano se rechistra a variant cuqueta de llum en Benás y Torres. Se diz cuqueta de sant ChuanCon a variant cuqueta de sint chuan. en las Pauls y cuqueta d'estrelaU cuqueta de estrella. en a Espunya.

A denominación gusán de luzU gusano de luz. ye rechistrada en Biel, Borrés, a Canal de Berdún, Luesia, Sigüés y Echo a on tamién se diz gusarapo de luz. Como gusanico de luz se rechistra en l'Almunia de Donya Godina, Calatorau, Salvatierra d'Esca y Sos d'o Rei Catolico.

Atras formas son lumenetaCon a variant palatalizada llumeneta documentada en a vall de Lierp y llumeneta de sant Chuan documentada en Calvera. y lumbretaCon a variant palatalizada llumbreta. documentada en Labata, Radiquero y Salas Altas. En Nerín se rechistran as formas lucernetaCon a variant palatalizada llucerneta. y luminoso. Se diz linterna en Buerba. y linterneta en Biescas y Fanlo. Tamién existen atras formas relacionadas como luceta, luceta de sant Chuan y lucero, rechistrada ista zaguera en Biescas y en a comarca de Tarazona y Moncayo, a on tamién se diz candil. D'ista mesma comarca ye tamién a forma relumbrado, que s'ha rechistrau en lo Bust, los Fayos, Litago y Tarazona.

Notas

Referencias

Vinclos externos

Noctiluca Categoría:Insectos d'Aragón Categoría:Taxons nombraus por Carl Linnaeus Categoría:Fauna d'Europa Categoría:Fauna d'Asia Categoría:Fauna d'Africa Categoría:Fauna d'os Pireneus