As Corz de Zaragoza de 1702 estioron as zagueras Corz d'o Reino d'Aragón convocadas mientres a Guerra de Succesión Espanyola y presididas por a reina María Loisa Gabriela de Saboya, consort de Felipe V de Borbón, un d'os dos pretendients a o reino. O feito de que estase a reina consort, y no o rei titular, qui churase os fueros d'Aragón en a Seu de Zaragoza, fació que os aragoneses anyos dimpués considerasen que no teneban obligación d'estar fidels a él El amor y el Derecho civil aragonés. Carmen Bayod López. Lección inaugural del curso 2009-2010 de la Universidad de la Experiencia de Zaragoza..
As Corz heban estau convocadas por Felipe de Borbón dende a ciudat de Barcelona o 13 d'octubre de 1701 con a ideya de celebrar-se o 3 de noviembre d'ixe mesmo anyo. Dimpués d'una nueva convocatoria o 5 d'aviento de 1701 pa celebrar-se as Corz en Monzón o 16 d'aviento, tornó a ninviar-se un atra nueva pa o 18 de marzo de 1702 en Zaragoza. Como o día 24 d'ixe mes a reina encara no yera arribada ta la capital La visita de la reina María Luisa de Saboya. Alma Mater Museum. 24 d'abril de 2018, se prolargoron dica o 26 d'abril, cuan a la fin s'inauguroron Colección de Cortes de los antiguos Reinos de España. Real Academia de Historia. José Rodriguez, 1833, Madrit. Rematoron o 16 de chunio de 1702 en Zaragoza.
Cuestions tractadas En istas Corz a reina tractaba d'atrayer a os aragoneses a o bando d'o suyo mariu, o duque d'Anchú. A ufierta d'o candidato a lo trono yera d'entregar a o reino d'Aragón os territorios situaus entre os ríos Noguera Ribagorzana y Cinca, Leida, Tortosa y todas as tierras catalanas situadas a o sud de l'Ebro. Manimenos en rematar a guerra aplicó en 1707 os Decretos de Nueva Planta a Aragón, suprimindo os fueros y as corz de Aragón sin cumplir denguna d'as suyas promesas territorials.
Referencias
Vinclos externos Las últimas Cortes de Aragón. Historia de Aragón. Santiago Navascués Alcay. 15 de chunio de 2017.
Zaragoza 1702 Categoría:Corz d'o Reino d'Aragón celebradas en Zaragoza 1702 Categoría:1702