As Corz d'Alcanyiz de 1436 estioron unas Corz particulars d'o Reino d'Aragón convocadas en a ciudat d'Alcanyiz como continación d'as Corz chenerals de Monzón celebradas entre 1435 y 1436. As Corz fuoron convocadas y presididas por Chuan II, rei de Navarra y futuro rei d'Aragón, como lugartenient d'o suyo chirmán, o rei Alifonso V d'Aragón. Convocadas en primerías pa o 30 d'abril, fuoron prolargadas dica l'11 de mayo, cuan a la fin s'ubrioron as primeras sesions. Rematoron o día 5 d'octubre. Colección de Cortes de los antiguos Reinos de España. Real Academia de Historia. José Rodriguez, 1833, Madrit
En istas sesions s'estableixe que o cargo d'o Chusticia estase nomás responsable debant d'as Corz y s'apreba un subsidio pa la continación d'a guerra en Italia.
Asistents Entre os asistents d'o brazo relichioso se trobaban l'arcebispe de Zaragoza, Dalmau de Mur y Cervellón, o bispe de Uesca, Hugo d'Urriés, l'abat de Mont Aragón, o comendador mayor d'Alcanyiz, os priors de Roda y de Santa María d'Albarrazin y os procuradors d'os abaz de Rueda y Veruela.
Yera Chusticia d'Aragón por ixas envueltas Martín Díez d'Aux, qui tamién fació parti d'istas Corz presidindo cuantas sesions en ausencia d'o lugartenient d'o rei.
Referencias
Bibliografía "Cortes de Alcañiz, 1436". José Ángel Sesma Muñoz. Gobierno de Aragón. Centro del Libro de Aragón, 2007.
Vinclos externos Actas d'as Corz d'Alcanyiz de 1436
Alcanyiz 1436 Categoría:Corz d'o Reino d'Aragón celebradas en Alcanyiz 1436 Categoría:1436