thumb|300px|Un plantero. Un plantero Francisco Bruballa Angusto: Vocabulario del habla de La Puebla de Castro, Instituto de Estudios Altoaragoneses, 2009, , p.89. Rafael Barceló Caballud: Vocabulario caspolino, Institución Fernando el Católico, 2011, ISSN 0590-1626, p.222. José María Satué Sanromán: Vocabulario de Sobrepuerto: léxico comentado de una comarca despoblada del Altoaragón, Instituto de Estudios Altoaragoneses, 1991, , p.83.Con as variants planter y pllantero ye un puesto a on se siembran os vechetals u un puesto a on s'alzan as simients d'una planta. Ye una aria de terreno preparada y acondicionada especialment pa colocar as simients con a finalidat de producir a suya cherminación con as millors condicions y cudiaus, a la fin de que pueda creixer sin dificultat dica que la planta sía lista pa lo suyo trasplante. Lo plantero ye o puesto adecuau pa que la simient enciete la suya primera fase de desarrollo. Dimpués a planta creixerá y será trasplantada a lo terreno definitivo.
Son importants perque permiten un millor aproveitamiento y rendimiento d'o terreno; guarencian una millor selección d'a simient y con isto augmentan considerablement as posibilidaz de tener una millor productividat en as cullitas; facilita l'actividat agricola familiar, ya que tanto a persona labradora como os ninos pueden participar en a sembradura. Os planteros son muit importants perque permiten que bellas hortalicias de simients muit chicotas, como la ensalada, la cebolla u lo tomate, puedan aconseguir un buen desarrollo en o suyo primer periodo de vechetación.
Notas
Referencias
Categoría:Agricultura