A falcetaCon as variants en masculín falcet y falceto. u falcillaCon as variants alfalcilla y falquilla. ( (Linnaeus, 1758) Jobling, James A. (2010). The Helm Dictionary of Scientific Bird Names. London: Christopher Helm. p. 52. .) ye una especie d'au d'a orden d'os Apodiformes y familia Apodidae que mide entre 16 y 17 cm de luengo con una envergadura de 38 a 40 cm y ye de tot color parda negruta, fueras d'una chicota taca blanca u grisa palida en a barba que no ye visible dende a distancia. Tienen una coda bifurcada curta y alas muit largas que s'asemellan a una meya luna u un bumerang.
As falcetas tienen patas muit curtas que fan servir sobretot pa aferrar-se a superficies verticals. Nunca s'asientan de buen implaz en o solero, an serían vulnerables a accidents y depredación, y os individuos no reproductors pueden pasar dica diez meses en vuelo contino. A suya velocidat maxima de vuelo horizontal ye de 111,6 km/h y, a lo largo d'a suya vida, pueden recorrer millons de kilometros.
Nombres Se conoixe con diferents nombres entre os que o mas estendillau ye falceta, rechistrando-se en Abiego, Aísa, Aragüés de lo Puerto, a Perdiguera, Ontinyena, Panzano, Salas Altas y Sietemo. A variant masculina falcet se troba en Monzón. D'atra man falcilla ye o nombre común en a Fueva, Litera y a provincia de Teruel, asinas como en as localidaz de Bielsa, Binéfar, Campo, as Corz, Fonz, Nerín, Peralta de la Sal y a val de Vio, prenunciau /falˈsiʎa/ lo trobamos en Benás, Graus y La Poblla de Roda. A suya variant alfalcilla se rechistra en Estadilla. A forma falquilla la trobamos en Gabás y Sarllé. Existen tamién falcilla negra BLASCO ZUMETA, Javier, Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009, en Cinco Villas y falcelleta Chesús de Mostolay: EL SOMONTANÉS Diccionario de voces y expresiones, Albama Literaria, 2022, , p.342 en o Semontano de Balbastro.
A forma falcinya ye present en Rodellar, Salas Altas y a val de Vio y falcenya en Alcoleya de Cinca.
A suya variant masculina falcinyo se rechistra en Agüero, Broto, Sobremont, Sobrepuerto y Xabierregai, falcino en as provincias de Teruel y Zaragoza y en as localidaz d'Alloza, y Ansó y Embún, farcenyo y afarcenyo en Lanacha, farcinyo en Lecinyena, faucenyo en Esposa y faucinyo en Sigüés, asinas como alfaicino en Aragüés de lo Puerto y Chasa y alfalcino en Pina. Atras variants d'ista forma son valcino, rechistrada en Ansó, varcino en Ansó, Berdún, Cinco Villas, Luesia y Sos d'o Rei Catolico y vaucino en Exeya d'os Caballers y Uncastiello.
Amás existen atros nombre como misarán, rechistrau en Araguás, chirlo en Morillo de Galligo y chirla en Graus.
Notas
Referencias
Vinclos externos
Apus Categoría:Aus d'Aragón Categoría:Fauna d'Europa Categoría:Fauna d'Asia Categoría:Fauna d'Africa