Artistas del Gremio ye un grupo musical aragonés de tipo charanga, composau d'estrumentos de viento y percusión y especializau en musica y espectaclos de carrera. Estió fundada en Exeya d'os Caballers (Zaragoza) en 2005 y dende alavez ha recorriu la peninsula iberica y actuau en diferents países europeus y en Ecuador. Ha participau en as bandas sonoras d'una cinta y de cuantos programas de televisión. Han gravau 4 discos y un documental que relata la evolución d'o grupo.
Historia Lo grupo se formó en 2004, cuan una choven quereba celebrar la suya despedida de soltera con una charanga y contactó con Ángel Mójica, qui reunió a atros mosicos y asinas facioron la suya primera actuación publica. En ella participoron los fundadors u primers integrants: Miguel Ángel Laita y lo suyo chirmán Roberto Carlos, Andrés Lasilla y Ángel Mójica. La experiencia estió muito positiva, y lo grupo empecipió a funcionar.
En os suyos inicios, lo repertorio d'Artistas del Gremio yera composau de versions y cancions populars con as cuals recorreban las fiestas d'os lugars y ciudaz d'Aragón y d'Espanya. Luego empecipioron a componer temas propios, como "Dame una A", l'adaptación de "La Sandía" u los temas que amaneixen en "¡¡¡Viva el deskontrol!!!", asinas como diferents remix (Supertechnomegamix Vol.1, Punkpurrí...), que poquet a poquet se fueron fendo populars en as charangas espanyolas. Destacan per lo suyo orichinal vestuache -siempre actúan con minifalda- y per los suyos espectaclos de musica, teatro y humor en interacción con o publico.
En l'anyo 2010 gravoron la banda sonora orichinal d'a cinta Que se mueran los feos, dirichida per Nacho García Velilla. En 2013 estioron “superfinalistas” en o concurso televisivo Tú sí que vales, lo cual suposó un gran empentón mediatico y un augmento de visibilidat a livel nacional. En 2016 protagonizoron y coproducioron la cinta documental autobiografica Sol, furgoneta y manta, que narra las vicisituz y lo estilo de vida d'a charanga, con especial fincapiet en cuál estió lo camín que les permitió de fer d'a musica lo suyo estilo de vida.
Artistas del Gremio exercioron como colla-orquesta d'o programa Avispas & Tomates d'Aragón TV durant l'anyada 2006-2007 y participó en as galas d'a nueit de cabo d'anyo de 2011, 2012, 2013 y 2014 d'ixa mesma cadena. Lo grupo ha amaneixiu puntualment en atros programas como Aftersún, Sin ir mas lejos, Objetivo, Anochece que no es poco, Aragón en abierto, ¿Te suena? u Lo sabe, no lo sabe.
En 2019 estioron triaus per lo circuito Girando por Salas (GPS), chira que estió cancelada finalment con motivo d'o COVID-19.
Con un repertorio que va per edaz, lo grupo fa bellas 120 actuacions a l'anyo. Tamién han actuau en espectaclos solidarios pa los ninos con cáncer d'Aragón (ASPANOA).
En 2021, lo grupo ye composau per 9 mosicos: Miguel Ángel Laita (trompeta), Jaime Olite (trompeta), Roberto Laita (trombón), Víctor Mateo (trombón), Carlos Sagaste (saxofón), Alejandro Burges (saxofón), Felipe Martins (sousafón), Ángel Mójica (percusión) y Andrés Lasilla (percusión).
Festivals Corralejo Kite Fest (Corralejo, Espanya; 2021) Drumline Battle Baltic (Panevėžys, Lituania; 2021) Festival Amante (Borcha, Espanya; 2021) Galaico Brass Festival (Merza, Espanya, 2021) Berlin Brass Festival (Berlín, Alemanya; 2019) Move Your Brass (Katowice, Polonia; 2019) Brass International Festival (Durham, Reino Uniu; 2015, 2017, 2018 y 2019) Holika Festival (Corz, Espanya; 2019) Tamborilé (Mezquita d'Exarc; Espanya 2011, 2019) Festival OFF Artes Vivas (Loja, Ecuador; 2018) Brass It (Minde, Portugal; 2018) Sibiu International Theatre Festival (Sibiu, Romanía; 2018) Limoux Brass Festival (Limós, Francia; 2018) Almazán Sona (Almazán; Espanya 2018) Boina Fest (Arenillas; Espanya 2018) Festival Moustussades (Villemoustaussou, Francia; 2015, 2016 y 2017) Andorra Sax Fest (Andorra; 2017) Sol y fiesta (Leucate, Francia; 2016) Tubala Brass Week (Tafalla; Espanya 2016) Asalto ao Castelo (Vimianzo; Espanya 2015) Bandafolies (Lemosín, Francia; 2013) Reperkusión (Ourense; Espanya 2013) Pireneos Sur (Uesca; Espanya 2012) Mundo Idiota (Madrit; Espanya 2009)
Colaboracions Los Gandules Despistaos Manolo Kabezabolo Juan Abarca (Mamá Ladilla) Sharif Fuethefirst Paco Pil Tako María Villalón Rupatrupa Viky Lafuente
Discografía Artistas del Gremio & the musicolocos dream team (2009) Felices agujetas (2013) Punkis de conservatorio (2018) Butibamba (2021)
Los temas d'os suyos discos y las suyas actuacions van dende la musica clasica a Extremo Duro. Los suyos dos primers discos son versions, y a partir de Punkis de conservatorio, son temas propios, muito “gamberros y punkarras, influyius per lo rock y lo ska”.
Lo disco Butibamba produciu mientres la pandemia Covid-19, estió lo resultau d'una campanya de micromecenache en a plataforma Verkami.
La canción que da nombre a lo disco «Butibamba», anterior a la resta d'os temas d'o disco y d'a cual se gravó un videoclip, se creó per medio d'a financiación obtenida d'a decena edición de Girando Por Salas.
Premios Batalla de charangas de Samianigo (2011, 2012 y 2013)Gobierno de Aragón. Red aragonesa de artistas escénicos "Artistas del Gremio" I Concurso Nacional de Charangas d'Escuita (2012) IV concurso de txarangas Sant Fermín en Pamplona (2012)
Referencias
Vinclos externos Pachina Web Entrevista Aragón Radio Entrevista Aragón Dichital
Categoría:Grupos de musica d'Aragón