thumb|250px|Iste sinyal obliga l'uso de cadenas en carretera. thumb|250px|Cadenas en rombo. Tienen una mayor eficacia y rendimiento. thumb|250px|Furgón sovietico equipau con cadenas en escala. As cadenas de nieu son un sistema antieslisador que se mete en as ruedas motrices d'un vehíclo a motor pa que istas no s'eslisen, cuan i hai nieu u chelo en la carretera. Manual. Diagnosis preventiva del vehículo y mantenimiento de su dotación material (UF0680). Certificados de profesionalidad. Transporte sanitario (SANT0208). 14 de chulio de 2017. Editorial CEP. ISBN 9788468179360
Pueden no estar cadenas propiament ditas. I hai sistemas que van dende una pieza de plastico a un funda de tela. O suyo uso en limita la velocidat a 50 km/h.
A lechislación espanyola contempla os pneumaticos d'hibierno como una alternativa valida a las cadenas de nieu, tal como replega o Reglamento Cheneral de Vehíclos, basau en o Real Decreto 2822/1998 d'o 23 d'aviento.Real Decreto 2822/1998
Existen diferents tipos de cadenas pa la nieu: Metalicas De tela Automaticas
Colocación Seguntes a motricitat d'o vehíclo: Tracción debantera: Siempre que o espesor d'a nieu no supere 1,5 cm, se fican en as ruedas debanteras (con mas espesor, obligatorio en as 4 ruedas). A mayoría d'autos actuals son de tracción debantera. Tracción zaguera: Siempre que o espesor d'a nieu no supere 1 cm, se fican en as ruedas zagueras (con mas espesor, obligatorio a las 4 ruedas). Os autos antigos, d'altas prestacions y vehíclos de carga gosan estar de propulsión posteriera. Tracción a las cuatre ruedas: Por lei ye obligatorio l'uso a las cuatre ruedas. En caso d'avería d'una d'as cuatre se gosan meter dos dezaga, pero ye posible fer-lo debant pa amillorar a dirección y frenada, encara que en garra caso se circulará con tres cadenas. Siga cual siga o tipo d'auto, ye convenient equipar cadenas en as cuatre ruedas; fueras d'os casos en que o fabricando indica o contrario, como ye o caso de vehíclos esportivos de propulsión zaguera y gran cilindrada.
Tamién cal parar cuenta en que as cadenas son disenyadas pa una grandaria especifica de rueda. Ye important seguir as instruccions con a finalidat de veyer a grandaria de ruedas pa las que son disenyadas.
Funcionamiento O funcionamiento d'as cadenas ye muit sencillo. O prencipio de funcionamiento se basa en un augmento d'o coeficient de rozamiento, u de fricción, entre o pneumatico y o pavimento cubierto de nieu u chelo. O coeficient de rozamiento pneumatico-asfalto, ye o que popularment se conoixe como adherencia d'o pneumatico. En condicions normals, o coeficient de rozamiento entre o pneumatico y l'asfalto ye idonio (entre 0.4 y 0.6), pero en producir-se nevazos y/u cheladas, o coeficient de rozamiento disminuye substancialment, chenerando a perdida de tracción y maniobrabilidat, y a consiguient perdida de control sobre o vehíclo: En o caso de cadenas d'ariellos sobre chelo, con un coeficient de rozamiento muit elevau, pero nomás en os puntos a on cada ariello dentra en contacto con o pavimento, en circular sobre un pavimento chelau, os ariellos d'a cadena se fican en a placa de chelo present, puyando o coeficient de rozamiento y a capacidat de tracción d'o vehíclo. A o mesmo tiempo, se libera asinas una parti de chelo humido, que encara que contina estando eslisadizo, ofreixe una mayor adherencia a o pneumatico. En o caso de cadenas de ariellos sobre nieu, a cadena se interposa entre o pneumatico y l'asfalto y actúa como una escala en meter mas fricción, a causa de l'acero en contacto con o pavimento. En o caso de cadenas textils sobre nieu, istas presentan un menor coeficient de rozamiento por unidat de superficie, pero iste augmento s'ixemena por toda a superficie d'o pneumatico en contacto con o pavimento, aconseguindo una millor adherencia.
Posibles problemas Conducción masiau rapida. As cadenas no suportan circular a mas de 50 km/h. Conducción sobre asfalto seco. As cadenas se deterioran ascape sobre superficies inadecuadas. Achuste poco firme. S'han de reachustar os tensors d'as cadenas pocos metros dimpués d'haber-las colocau, movendo l'auto a bonico. Se podrían enreligar en l'eixe de transmisión causando una avería important. Tensors necesarios u innecesarios. A mayoría de cadenas amenistan de tensors; si no s'usan se descolocan. As que no amenistan tensors, si se meten, pueden resultar grieument danyadas. Desgaste natural. Cualques fuents citan que a suya durada se reduz a bels 500 km.
Precaucions dimpués d'o suyo uso Con as cadenas clasicas, dimpués d'o suyo uso cal procurar de limpiar-las con augua calient u millor posible, a fin d'eliminar-ne a sal que s'escampa por as carreteras d'hibierno, ya que os cloruros d'as sals atacan y corroden l'acero. Y dimpués, guardar-las en a suya caixa en un sitio seco y accesible adintro d'o maletero d'o vehíclo.
Alternativas En o mercau i hai alternativas a las cadenas tradicionals: Fundas de tela. Son as mas conoixidas. Substituyen a las cadenas, pero han de retirar-se a l'inte cuan no i hai nieu. Dispositivo en forma d'araina, que s'empara a o torniello d'a llanda y s'abraza a o pneumatico. Se fican en pocos segundos y a suya eficacia ye muit buena. O suyo pre aproximau ye de 400 €. Cable d'acero. Substituyen a cadena por un cable d'acero; o suyo funcionamiento ye identico. Aerosols antieslisadors por uns 5 €. Os mesmos fabricants advierten que son nomás pa salir d'una dificultat puntual.
Se veiga tamién Pneumaticos d'hibierno
Referencias
Vinclos externos Vidio con a colocación de cadenas comunas Vidio con a colocación de cadenas textils Tipos de cadenas de nieu Sistemas d'agarre pa la nieu alternativos Cadenas pa la nieu en consumer.es Cadenas pa la nieu en consumer.es '2ª Edición' Prencipio fesico d'o rozamiento por eslisamiento
Categoría:Nieu Categoría:Autos