thumb|right|275px|Val de Tena, a l'Alto Aragón Alto Aragón ye la denominación con que se fa referencia a la rechión septentrional d'Aragón, y que d'ordinario ye equivalent a la de provincia de Uesca, encara que ta beluns en ye només que la parti pirinenca u semontanesa.
Manimenos, la denominación gosa d'abracar unas connotacions mes humanas que no administrativas. Asinas, puet asociar-se a unas caracteristicas etnolochicas y culturals propias que asinyalarían bellas diferiencias con as altras tierras aragonesas, amanando-se mes en ocasions ta as culturas pirinencas vecinas, y que se reflexan en as suyas trazas de vida (ya no tan acusatament, en parti per la migración d'os lugars enta as ciudaz), en a suya arquitectura y gastronomía (tipicament montanyesas), la vestimenta (celebrata, per ixemplo, en o Día d'o Traje Ansotano), l'idioma (en estar la zona constitutiva d'a luenga aragonesa y ixa en a que millor aguanta), las tradicions folcloricas, la mitolochía, etc.
L'Alto Aragón ye tamién, historicament, lo territorio d'os condatos primichenios d'o que remataría estando lo Reino d'Aragón.
Vinclos exteriors En castellano: Portal de l'Alto Aragón Fototeca de l'Alto Aragón Orichen d'os nombres d'os lugars altoaragoneses Web d'o Diario del Alto Aragón Web sobre os lugars d'a Val de l'Aragón
Categoría:Cheografía d'Aragón