O dodo ( (Linnaeus, 1758) Middleton, G. J.; Hume, J. P. (2016). "The discovery of a Dodo Raphus cucullatus Linn. (Aves, Columbiformes) in a highland Mauritian lava cave". Helictite. 42: 13–20.) yera una au d'a orden d'os Columbiformes y familia Columbidae que yera endemica d'a isla de Mauricio, en l'Oceano Indico. O dodo mesuraba arredol d'un metro d'altaria y puede haber pesau entre 10,6 y 17,5 kg en a naturaleza. L'aparición d'o dodo en vida nomás s'evidencia en debuixos, pinturas y relatos escritos d'o sieglo XVII. Dau que istos retratos vareyan considerablement, y dau que nomás se sabe que belunas d'as ilustracions s'han extraito d'especímens vivos, l'apariencia exacta d'os dodos en vida sigue sin resolver-se y se sabe mica sobre lo suyo comportamiento.
A primera mención rechistrada d'o dodo estió per mariners holandeses en 1598. En os anyos siguients, l'au estió cazada per mariners y especies invasoras, mientres o suyo habitat yera estando destruyiu. Lo zaguer aluframiento amplament acceptau d'un dodo estió en 1662.
A etimolochía d'a parola dodo no ye clara. Beluns l'atribuyen l'a parola holandesa dodoor pa "camandulero", pero ye mas prebable que sía relacionau con Dodaars, que significa "cul gordizo" u "cul-nyudo", referindo-se a lo nyudo de plumas en a suya parti zaguera. Manimenos, cualques fuents encara afirman que la parola dodo deriva d'a parola portuguesa doudo (actualment doido), que significa "ababol" u "barrenau". Tamién s'ha sucheriu que dodo yera una aproximación onomatopeyica d'a clamada d'iste muixón, un soniu de paloma de dos notas que s'asemella a doo-doo. Fuller, Errol (2002). Dodo – From Extinction To Icon. London: HarperCollins. .
Referencias
Vinclos externos
Cucullatus