L'Institut Aragonès del Català (en catalán y oficialment, en aragonés Instituto Aragonés d'o Catalán) ye un organo de treballo de l'Academia Aragonesa d'a Luenga que, seguntes los Estatutos d'esta institución Decreto 56/2018, de 10 de abril, d'o Gubierno d'Aragón, per lo cual s'apreban los Estatutos de l'Academia Aragonesa d'a Luenga., proposará a lo Pleno la implementación, adaptada a la realidat aragonesa, d'a normativa vichent pa lo catalán, y vilará per la suya aplicación.
Competencias Las competencias de l'Institut Aragonès del Català son:
Proposar a lo Pleno de l'Academia Aragonesa d'a Luenga l'adaptación d'as normas gramaticals vichents pa lo catalán, considerando la diversidat dialectal existent en Aragón. Inventariar y actualizar lo suyo lexico. Estimular l'uso, ensenyanza y difusión d'o catalán d'Aragón y d'as suyas diferents modalidaz. Desfender y provomer lo catalán d'Aragón y las suyas modalidaz, y vilar per los dreitos lingüisticos d'os parladors de catalán d'Aragón. Colaborar en a formación d'o profesorau. Proposar lo criterio d'autoridat en as qüestions relativas a la normativa, actualización y uso correcto d'o catalán d'Aragón. Asesorar a los poders publicos y institucions sobre temas relacionaus con l'uso correcto d'o catalán d'Aragón, la suya promoción social, asinas como sobre la determinación oficial d'os toponimos y los antroponimos y elaborar lo nomenclátor toponimico d'o territorio aragonés de luenga catalana. Las que, en l'ambito d'a suya competencia, li encomiende lo Gubierno d'Aragón.
Composición L'Institut Aragonès del Català ye composau per miembros de numero y miembros correspondients. Los miembros de numero, en un numero impar entre 7 y 15, serán academicos de numero de l'Academia Aragonesa d'a Luenga.
Son miembros de numero de l'Institut Aragonès del Català: Carmen Alcover Pinós. José Bada Panillo. Javier Giralt Latorre. Hèctor Moret Coso. María Teresa Moret Oliver. Ramón Sistac Vicén. Glòria Francino Pinasa.
Comisión Permanent Lo gubierno ordinario de l'Instituto de l'aragonés ye exerciu per una Comisión Permanent formada per un director, un subdirector, un secretario-administrador y dos vocals. La primera Comisión Permanent ye formada per: Director: Javier Giralt Latorre Subdirector: Ramón Sistac Vicén Secretario-Administrador: María Teresa Moret Oliver Vocal: Carmen Alcover Pinós Vocal: Hèctor Moret Coso
Referencias
Se veiga tamién Academia Aragonesa de la Lengua Instituto de l'Aragonés Lei de Luengas d'Aragón
Vinclos externos Sitio web oficial
*