thumb|Oenanthe oenanthe oenanthe.
A rebalbaCon a variant rebarba. ( (Linnaeus, 1758) https://www.iucnredlist.org/species/103773898/132192232) ye una especie d'au d'a orden d'os Passeriformes y familia Muscicapidae que emigra dende l'Africa subsahariana de primavera sobre una vasta aria de l'hemisferio norte que incluye lo norte y lo centro d'Asia, Europa, Groenlandia, Alaska, y partis de Canadá. D'agüerro, toz tornan enta Africa, an os suyos ancestros heban hibernau. Fa un d'os viaches mas largos de cualsequier muixón chicot.
Tien 14,5–16 cm de luengo, una envergadura de 26–32 cm y pesa 17-30 g.
Zoonimia Muitas d'as denominacions d'ista au que trobamos por toda a cheografía aragonesa son comuns a atras especies d'o chenero Oenanthe. O nombre común de rebalba se rechistra en a provincia de Zaragoza, existindo tamién a variant rebarba. En Uellos Negros ye rechistrada a forma zorribalba, trobando-se tamién as variants zerribalba y zurribalba. A forma albarica se troba en Castillón d'o Puent y Salas Altas, mientres que en as Corz se'n diz albarica hembra.
D'atra man existe a forma codiblanco en bels lugars d'a provincia de Zaragoza y en parti d'a provincia de Teruel. Tamién se rechistra cudiblanca en as comarcas de Sobrarbe y os Monegros y en lugars d'a provincia de Uesca como Alquezra, Boleya, Botaya, Nerín, Sietemo y Sobremont, existindo tamién a variant sonorizada cudiblanga en a Val de Vio, asinas como as formas culiblanca, rechistrada tamién en puestos d'a provincia de Zaragoza y curriblanca en Sant Chuan de Plan. A forma propia de Benás y Saúnc ye cullbllanc. Unatra forma relacionada con as anteriors, codalbo, se troba en a provincia de Zaragoza.
En ultimas, caubet ye una forma propia d'o sud-este de l'Alto Aragón.
Subspecies O. o. leucorhoa (Gmelin, JF, 1789). O. o. oenanthe (Linnaeus, 1758). O. o. libanotica (Hemprich & Ehrenberg, 1833). O. o. seebohmi (Dixon, 1882).
Notas
Referencias
Vinclos externos
Oenanthe Categoría:Aus d'Aragón Categoría:Fauna d'Europa Categoría:Fauna d'Asia Categoría:Fauna d'America Categoría:Fauna d'Africa Categoría:Fauna d'os Pireneus Categoría:Taxons nombraus por Carl Linnaeus